आज :

पश्चिमको कठोर प्रतिबन्धमा पनि रुसले निकाल्यो सोचभन्दा राम्रो नजित, युक्रेन र अमेरिका चकित

  • अनलाइन डबली

काठमाडौँ । युक्रेनमाथि रुसले आक्रमण सुरु गरेदेखि पश्चिमी मुलुकहरूले रुसविरुद्ध एक पछि अर्को गर्दै कैयौँ प्रतिबन्ध लगाइसकेका छन् । तर रुसी अर्थतन्त्रले यी प्रतिबन्धलाई असरहरू धेरै हदसम्म झेलेको अन्तर्राष्ट्रिय मुद्रा कोषले बताएको छ ।

आईएमएफका अनुसार युद्धकै कारण विश्वव्यापी बढेको इन्धनको मूल्यले रुसलाई फाइदा भएको छ र जसले अर्थतन्त्रलाई उल्लेख्य भरथेग गरिरहेको छ । रुस विश्वको प्रमुख खनिज इन्धन निर्यातक मुलुक हो ।

युक्रेनमाथिको आक्रमणपछि पश्चिमी शक्तिले रुसलाई विश्वव्यापी वित्त प्रणालीबाट अलगथलग गर्ने र मस्कोलाई युद्ध सञ्चालन गर्ने आर्थिक स्रोत सुकाउने प्रयास गरिरहेका छन् ।

तर अन्तर्राष्ट्रिय मुद्रा कोषले भर्खरै सार्वजनिक गरेको विश्व आर्थिक परिदृश्य रिपोर्टमा यो वर्षको रुसको जीडीपी प्रक्षेपणलाई २.५ प्रतिशतले बढाएको छ ।

तर रुसको सम्पूर्ण आर्थिक परिदृश्य सकारात्मक भने छैन । प्रतिबन्धले जति क्षति हुने सोचेको हो त्यति प्रभाव नपरे पनि यो वर्ष रुसको अर्थतन्त्र ६ प्रतिशतले सङ्कुचित हुने देखिएको छ ।

‘अर्थतन्त्रमा प्रतिबन्धको असर उल्लेख्य नभए पनि ६ प्रतिशतको सङ्कुचन पनि ठूलै मन्दी हो ,’ आईएमएफका प्रमुख अर्थशास्त्री पियरे ओलिभर गोरिन्चासले एएफपीसँग भने ।

रुसको यस्तो नतिजाले अमेरिका र युक्रेन पनि चकित भएका छन् । एएफपीबाट

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal