अनलाइन डबली
काठमाडौं । भृकुटीमण्डपमा आगलागी भएको छ । प्रहरीका अनुसार भृकुटीमण्डपको ह्वील चेयरको गोदाममा आगलागी भएको हो ।
आगो लागेको जानकारी पाएसँगै प्रहरीले पुगेको थियो । प्रहरीले खबर गरेपछि पहिले काठमाडौं महानगरपालिकाको दमकल त्यहाँ पुगेको थियो ।
अझै आगो नियन्त्रणमा नआएपछि थप ललितपुर महानगरबाट पनि दमकल बोलाइएको जिल्ला प्रहरी परिसर, काठमाडौंले जनाएको छ ।
आगो पूर्ण रुपमा नियन्त्रणमा आउन बाँकी रहेको छ भने अहिले दमकल, प्रहरी र स्थानीयको सहयोगमा आगो नियन्त्रणमा लिने प्रयास भइरहेको छ ।
प्रहरीले आगो कसरी लाग्यो भनेर अनुसन्धान गर्ने बताएको छ ।
