अनलाइन डबली
काठमाडौँ । रुसले सिरियामा सयौं बख्तरबन्द गाडीसहित नयाँ दस्ता पठाएको छ । युक्रेनमा सैन्य कारवाही जारी रहेकै बेला रुसले सिरियामा पनि सेना थप गरेको छ । युक्रेनमा पूरै तागत लगाएकोले सिरियामा उपस्थिति कमजोर बन्दै गएको चर्चासँग रुसले शक्ति थपेको हो । रुसको झण्डा फहराउँदै बख्तरबन्द गाडीहरु विभिन्न शहरमा गुडिरहेका छन् । त्यस्तै, रुसले लडाकु विमान र हेलिकोपटर पनि रुस पठाएको छ ।
सिरिया सरकार विरोधी लडाकाहरुले केही हप्तायाता आफ्नो गतिविधि बढाएको बताइएको थियो । अमेरिकाको सहयोग सरकार विरुद्ध लडाइँ लडिरहेका उनीहरुले पूर्व र पश्चिमा केही शहरमा गतिविधि बढाएका थिए ।
रुसले एक दर्जन शक्तिशाली के–५२ हेलिकोप्टर र दो सुखोई–३४ लडाकु विमान पनि सिरियामा तैनाथ गरेको छ । केही दिनमा रुसी सेनाले अप्रेशन थाल्नेछ ।
यसैबीच तुर्कीस्तानले रुसी सेना सिरिया बढाइएसँगै सैन्य अप्रेशन थाल्ने चेतावनी दिएको छ । तुर्कीले यस्तो धम्की पटक पटक दिने गरेको छ । तर, रुसको अगाडि उसका सबै सैन्य धम्की फेल हुँदै आएको बताइएको छ ।
रुसी सेना अस्त्रसहित शहर शहरमा पसेसँगै गतिविधि बढाएका सरकारी विरोधी लडाकुहरुको भागाभाग भएको भारतीय संचारमाध्यमहरुले बताएका छन् । लडाकुका गतिविधि बढेपछि रुसले यसअघि सिरियाको पूर्वी पश्चिमा पनि हवाई हमलाको चेतावनी दिएको थियो । यो चेतावनीसँगै यो क्षेत्रबाट अमेरिकी समर्थित लडाकुको भागाभाग भएको भिडियो अन्तर्राष्ट्रिय संचारमाध्यमहरुले सार्वजनिक गरेका थिए ।
तुर्कीको सहयोगमा लडाकुहरुले आफ्ना गतिविधि बढाएका थिए । अमेरिकाले रुसलाई युक्रेनमा कम हमला गर्न, सिरियाबाट पछि हट्न पछिल्ला दिनमा गतिविधि बढाउन लगाएको आरोप लागेको छ । तर, रुसले यसअघि नै आफू सिरियाबाट पछि नहट्ने बरु थप शक्ति पठाउने बताएको थियो ।
राष्ट्रिपति भ्लादिमिर पुटिनले उक्त कुरा बताएको केही घण्टामै सिरियाको पूर्व पश्चिममा रुसी सेनाले हवाई गस्ती बढाएको थियो । हवाई गस्ती बढाएपछि हमला हुन सक्ने भन्दै लडाकुहरु भागेर अर्को ठाउँ पुगेका थिए । उनीहरु विभिन्न सहरमा पसेको चर्चासँगै रुसले हालै विभिन्न सहरमा अस्त्र सहित सेना पठाएको छ । अबको केही दिनमै अप्रेशन चलाउने बताइएको छ ।
