अनलाइन डबली
काठमाडौँ । रुसी एक उच्च अधिकारीले तेस्रो विश्वयुद्ध आफूहरुले पहिलो हमला बेलायतमा गर्ने बताएका छन् । रुसी सेनाका पूर्व कमाण्डर एन्ड्री गुरुल्योवले रुसको पहिला हमला पेरिस वा बर्लिन नभएर लण्डन हुने चेतावनी दिएका छन् ।
रुसको संसदका सुरक्षा समितिका सदस्य समेत रहेका गुरुल्योवले आफूहरुले आफू विरुद्ध आउने देशका सेटलाईट र विजुली काटिदिने चेतावनी समेत दिए । आफूहरु अमेरिका र बेलायत वा नेटोले आफ्नो मिशनलाई रोक्न नसक्ने बताए ।
रुसको सरकारी टेभीको कार्यक्रममा बोल्दै गुरुल्योवले आफ्ना सबै ठाउँमा एयर डिफेन्स सिस्टम तैनाथ गरेर दुश्मनका हमलालाई निष्प्रभावी बनाउने बताए । पश्चिम यूरोप र अमेरिकालाई विजुली सप्लाई काटेर अन्धकार बनाएर ठप्प पार्ने चेतावनी समेत दिए ।
बेलायतले नै लिथुएनियालाई उचालेर आफ्नो मार्ग रोक्न लगाएको रुसको आरोप छ । लिथुएनियको विषयमा बोल्दै गुरुल्योवले सो चेतावनी दिएका हुन् । उनकाे याे भनाइ व्यक्ति नभएर रूसकै भएकाे बताइएकाे छ ।
यसैबीच रुसले पूर्वी डोनबासको क्षेत्र पूर्णरुपमा नियन्त्रणमा लिएको छ । युक्रेनले पूर्वी सेभेरोडोनेस्कबाट अन्तिम फौजलाई फिर्ता बोलाएसँगै सो क्षेत्र रुसको कब्जामा गएको हो ।
सेभेरोडोनेस्क सामरिक महत्वको शहर भएकाले अन्तिमसम्म पनि युक्रेनी फौजले प्रतिरोध गरेका थिए । तर, रुसी सेनाले चारैतिरबाट घेराबन्दी गरेर हमला सुरु गरेपछि मुख्य शहरबाट युक्रेनी फौज छेउछाउति धकेलिएको थियो ।
यो क्षेत्रबाट धेरै युक्रेनी सेनाले आत्मसमर्पण गरिसकेका छन् । रुसी सेनाले अन्तिम डफ्फालाई पनि आत्मसमर्पण गरेर ज्यान जोगाउन भनेको थियो ।
रासायनियक भट्टीसहित यो क्षेत्र युक्रेनको औद्योगिक शहर पनि हो । यो क्षेत्र गुमाएपछि युक्रेनलाई ठूलो धक्का लागेको छ । समुद्र जलमार्गसँग जोडिएको मारियोपोल भन्दा पूर्वी क्षेत्र रुसका नियन्त्रणमा आएको बताइएको छ ।
अहिले लडाइँको केन्द्र स्नेक आइल्याण्ड बन्ने भनिएपनि युक्रेनले गरेका हमलालाई रुसले असफल बनाएको दाबी गरेको छ । ब्ल्याक सीको महत्वपूर्ण क्षेत्र स्नेक आइल्याण्ड रुसले हमला गरेका केही दिनमै कब्जामा लिएको थियो ।
अमेरिकाले सबैभन्दा शक्तिशाली ड्रोन ग्लोबल हक यूएभी पठाएपछि युक्रेनी सेनाले पुनः स्नेक आइल्याण्डमा हमला गरेको थियो । युक्रेनले रुसको ठूलो क्षति भएको दाबी गरेको छ । तर, रुसी सेना स्नेक आइल्याण्ड टापुमै रहेको छ ।
भारतीय टिभी न्युज नेशनकाे भिडियाे रिपाेर्ट
