आज :

युक्रेनलाई हराउँदै वेल्स विश्वकपमा

  • अनलाइन डबली

काठमाडौँ । युक्रेनलाई हराउँदै वेल्स यसै वर्ष कतारमा आयोजना हुने फिफा विश्वकपमा छनोट भएको छ।

युरोपेली छनोटको प्ले अफको फाइनलमा आत्मघाती गोलको सहायतामा युक्रेनलाई १–० ले स्तब्ध पार्दै वेल्स दोस्रोपटक विश्वकपमा छनोट भएको हो।

यो सँगै वेल्स ६४ वर्षपछि विश्वकपमा छनोट हुँदै इङ्ल्याण्ड, अमेरिका र इरान रहेको समूह बी बाट विश्वकप खेल्नेछ। वेल्सले यसअघि सन् १९५८ मा पहिलोपल्ट विश्वकप खेलेको थियो।

आइतबार राति भएको खेलमा वेल्सको जितमा एन्ड्रिए योर्मोलेन्कोले गरेको आत्मघाती गोल नै निर्णायक बन्यो। उनले खेलको ३४ औं मिनेटमा ग्यारेथ बेलको फ्रिकिकलाई बचाउने क्रममा आफ्नै पोस्टमा गोल गर्न पुगेको थिए।

कार्डिफमा घरेलु टोलीलाई दवावमा राखे पनि युक्रेनले गोल फर्काउन नसक्दा पराजित हुन पुग्यो।

युद्धग्रस्त अवस्थाबाट अघिल्लो साता प्लेअफको सेमिफाइनलमा स्कटल्याण्डलाई ३–१ ले हराएर फाइनलमा पुगेको युक्रेनले त्यही नतिजा दोहोर्‍याउन नसक्दा विश्वकपमा छनोट हुन असफल भयो।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal