आज :

बर्दिबास नगरपालिकामा घट्यो अनौठो घटना, एउटा बाकसको मत नगन्दै विजेता घोषणा

  • अनलाइन डबली

महोत्तरी । महोत्तरीको बर्दिबास नगरपालिकाको एउटा वडामा अनौठो घटना भएको छ । स्थानीय तह निर्वाचन अन्तरगत बर्दिबास नगरपालिकाको वडा नम्बर ८ को मतगणना नसकिँदै अन्तिम नतिजा घोषणा भएको खुलेको छ ।

बर्दिबास नगरपालिका वडा नम्बर ८ को मतपरिणाम सार्वजनिक भइसकेपछि ढिला गरी एउटा मतपेटिका छुटेको खुलासा भएको हो । बर्दिबासका १३ वटा वडाको मतगणना सम्पन्नपछि अन्तिम वडाको मतपेटिका निकाल्ने क्रममा वडा नम्बर ८ को थप एउटा मतपेटिका फेला परेको निर्वाचन कार्यालय बर्दिबासकी सहायक निर्वाचन अधिकृत शर्मिला तामांगले जनाइन् ।

उनले मतदान निर्वाचन अधिकृतलगायत सबै दल तथा प्रतिनिधिहरुको समेत गल्ती रहेको स्वीकारिन् । बर्दिबास–८ स्थित बेलगाछीको २ वटा मतपेटिकामध्ये एउटा मतपेटिकाको मात्रै मतगणना भएको र अर्को मतपेटिका अर्कै वडामा फेला परेको उनले बताइन् ।

उनले आजै मतदान अधिकृत, कर्मचारी र राजनीतिक दलले समेत मत गन्ने बेला सबै मतपेटिकाको खोजी नगरेकाले अन्य वडाका मतपेटिकासँग भूलवश छुटेको उनले बताइन् ।

उनले भनिन्, ‘बर्दिबास वडा नम्बर ८ को ९ वटा मतपेटिका मध्ये ८ वटा मतपेटिकाको मतपरिणाम सार्वजनिक भएकाले सर्वदलीय बैठक बसेर सहमति गरि कार्य अघि बढाइने छ ।’

निर्वाचन कार्यालय बर्दिबासले छुटेको मतपेटिकाको गणनाबाट आउने परिणाम सर्वदलीय बैठकबाट स्वीकार गराएर गणना सुरु गरिने जनाएका छन् ।

निर्वाचन कार्यालय बर्दिवासले ७ सय ५३ मत प्राप्त गरी नेकपा माओवादी केन्द्रका शमशेस सिंह लामालाई ५ दिन अघि नै वडा नम्बर ८ मा विजयी घोषणा गरिसकेको छ ।

यस्तै तनहुँको व्यास नगरपालिकामा स्वतन्त्र उम्मेदवार दीपकराज जोशीलाई सुरुवाती अग्रता मिलेको छ । नेपाली काँग्रेसका पूर्व नेता गोविन्दराज जोशीका छोरा दीपकलाई एमालेको पनि समर्थन छ ।

एमालेका साथ पाएका दीपकराजले १७९३ सहित अग्रता लिएका हुन् । उनले काँग्रेसका उम्मेदवार बैकुण्ठ नाथ न्यौपानेलाई ५९६ मतले पछाडि पारेका छन् ।

न्यौपानेले ११९६ मत पाएका छन् । उपमेयरमा भने काँग्रेसका उम्मेदवार इन्दिरा दरैले १४०८ मतसहित अग्रता लिएकी छिन् । उनलाई एमाले उम्मेदवार वसुन्धरा घर्तीले १ हजार ३९४ मत पाएकी छिन् ।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal