काठमाडौँ । रुसले युक्रेनको दोस्रो ठूलो सहर खार्किभसहित अधिकांश शहर नियन्त्रणमा लिएको छ । पछिल्लो खार्किभ प्रहरी मुख्यालयमा गरेको हमलामा परी २१ जनाको ज्यान गएको बताइएको छ ।

युक्रेनमा रुसी सेनाले कति क्षति पुर्याएको छ भन्ने कुरा स्वातन्त्र रुपमा सार्वजनिक हुन सकेको छैन । पश्चिमा देशका संचारमाध्यमहरुको मात्रै सबै शहरमा पहुँच भएकोले झुट विवरण सार्वजनिक भएको बताइएको छ ।

रुसले संचार यु’द्ध रोक्न चेतावनी दिएको छ । यसले पनि पुष्टि गर्छ, त्यहाँ भएको सत्यथत्य सार्वजनिक भइरहेको छैन । रुसी संचारमाध्यमहरुका अनुसार युक्रेनले आफ्नो सेनाको ड्रेस लगाएर आत्मसमर्पण गरेको, मारिएको भनेर हल्ला मच्चाइएको बताएका छन् । युक्रेनमा सातौं दिनमा पुग्दा रुसले ठूलो क्षति पुर्याएको विवरण सार्वजनिक भएका छन् ।

अहिले मुख्य युद्ध खार्किभमा भइरहेको छ । यो किभ पछिको सबैभन्दा ठूलो शहर हो । दक्षिणी नगर खेअरसनसहित दर्जन शहर पूरै रुसी सेनाको नियन्त्रणमा आइसकेका छन् ।

यसैबीच रुसले युक्रेन सरकारले केही नागरिकलाई हतियार बाडेकाले ठूलो भवनमा हमला गर्नु परेको बताएको छ ।

यसैबीच अमेरिकी राष्ट्रपति जो बाइडनले रुसलाई थप उत्तेजित बनाउने प्रतिक्रिया दिएका छन् । उनले रुसी राष्ट्रपति भ्लादिमिर पुटिनलाई शासक भन्दै उनलाई सजाय पाउनुपर्ने बताए । उनले आफू पूरै युक्रेनको साथमा रहेको बताउँदै १०० करोड डलर सहयोगको घोषणा गरेका छन् । बाइडनको पछिल्लो प्रतिक्रियाले युक्रेनी जनताको थप क्षति पुग्ने बताइएको छ ।

युक्रेनको दोस्रो ठूलो सहर खार्किभमा रुसले गरेको गोलाबारीमा कम्तीमा २१ जनाको मृत्यु भएको छ भने ११२ जना घाइते भएका छन्।

तर खार्किभ क्षेत्रका गभर्नरले भने रुसले गरेका सबै आ’क्रमणहरूको प्रतिकार गरिएको दाबी गरेका छन्।

रुसले खार्किभमा मङ्गलवार र रातभरि ठूलो आक्रमण गरेको थियो। गभर्नर ओले सिनेगुबोभले शत्रुको पक्षमा ठूलो क्षतिू भएको बताएका छन्।

रुसले लडाकु विमानबाट गोलाबारी गरेको थियो भने सैनिकहरू खार्किभका उत्तरी र पूर्वोत्तर भागबाट सहरभित्र प्रवेश गरेका थिए।