काठमाडौँ । कोरोना भाइरस संक्रमणबाट नेपालमा ११ हजार ९ सय जनाको मृत्यु भएको छ । सोमबार थप ८ जनाको ज्यान गएसँगै यो संख्या पुगेको हो ।
त्यसैगरी सोमबार थप ७४७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर ८ हजार ६९६ नमुना परीक्षण गरिएको थियो । जसमा ६ हजार २७९ नमुनाको पीसीआर परीक्षण गर्दा ४८२ र दुई हजार ४१७ जनाको एन्टीजेन परीक्षण गर्दा २६५ जनामा कोरोना संक्रमण पुष्टि भएको थियो ।
सोमबार थपिएकासहित नेपालमा कोरोना भाइरस संक्रमितको संख्या ११ लाख ११ हजार २१८ पुगेको छ ।
त्यसैगरी पछिल्लो २४ घण्टामा दुई हजार ३१९ जन संक्रमणमुक्त भएका छन् । योसँगै ९ लाख ४० हजार ९०२ जना संक्रमणमुक्त भएका छन् ।
हाल देशभर २० हजार ७३९ संक्रिय संक्रमित छन् । जसमध्ये १९ हजार ९३० संक्रिय संक्रमित होम आइसोलेसनमा छन् भने ८०९ जना संस्थागत आइसोलेसनमा छन् ।
संक्रमितमध्ये १७८ जनाको आईसीयू र ३४ जनाको भेन्टिलेटरमा उपचार भइरहेको मन्त्रालयले जनाएको छ ।
आज पनि सबैभन्दा धेरै काठमाडौं उपत्यकामा थप २२६ जना कोरोना संक्रमित थपिएका छन् । मन्त्रालयका अनुसार काठमाडौंका १८१, ललितपुरका ३० र भक्तपुरका १५ जना संक्रमित रहेका छन् ।
