काठमाडौं । उत्तर कोरियाले पूर्वी सागरमा दुईवटा क्रुज मिसाइल प्रहार गरेको छ । दक्षिण कोरियाली सेनाका अनुसार मंगलबार विहान उत्तर कोरियाबाट पूर्वी जलक्षेत्रमा मिसाइल प्रहार गरिएको हो ।
दक्षिण कोरियाको योन्हाप समाचार एजेन्सीका दक्षिण कोरियाली सेनाले मंगलबार बिहान उत्तर कोरियाबाट पूर्वी जलक्षेत्रमा प्रक्षेपण गरिएका दुईवटा अज्ञात क्षेप्यास्त्र पत्ता लगाएको हो । क्रुज मिसाइ लहरूको प्रक्षेपण संयुक्त राष्ट्रसंघ सुरक्षा परिषद्को प्रस्तावहरूको उल्लंघन नगरेको समाचारमा उल्लेख गरिएको छ ।
नयाँ वर्षसँगै यही जनवरी ५ र ११ मा हाइपरसोनिक मिसाइल, जनवरी १४ मा दुई रेलवे छोटो दूरीको ब्यालेस्टिक मिसाइल र जनवरी १७ मा दुईवटा रणनीतिक निर्देशित मिसाइल सहित ६ मिसाइल उत्तर कोरियाले परीक्षणहरू गरिसकेको समाचारमा उल्लेख गरिएको छ ।
कडा नाकाबन्दीबीच उत्तर कोरियाले आत्मारक्षाको लागि भन्दै आणविक हतियारदेखि हावाको गतिभन्दा दश गुणाबढी चल्ने हाइपरसोनिक श्रेप्यास्त्रको सफल परीक्षण गरिरहेको छ । यसले के देखाउछ भने सम्भावित युद्धको लागि उत्तर कोरिया तयार छ ।
