काठमाडौं । आजबाट आईसीसी टी-२० क्रिकेट विश्वकपमा दोस्रो चरणका खेल सुरु हुँदैछन् । पहिलो चरणको खेल सकिएपछि सुपर १२ का खेल सुरु भएका हुन् ।
पहिलो चरणको खेलमा चार टिम सुपर १२ मा प्रवेश गरेका छन् । आजको पहिलो खेल अष्ट्रेलिया र दक्षिण अफ्रिकाबीच पहिलो खेल हुँदैछ । सुपर १२ मा टिमहरुलाई दुई समूहमा विभाजन गरिएको छ ।
खेल नेपाली समय अनुसार पौने चार बजे यूएईको अबुधाबीमा सुरु हुनेछ । यस्तै ग्रुप एकमै रहेको साविक विजेता वेष्ट इन्डिज र साविक उपविजेता इंग्ल्याण्डबीचको खेल पनि आजै दुबईमा बेलुका पौने ८ बजे सुरु हुनेछ ।
ग्रुप एकमा यी चार टिमसँगै पहिलो चरणबाट छनोट भएका श्रीलंका र बंगलादेश छन् । यस्तै ग्रुप दुईमा भारत, पाकिस्तान, न्युजिल्याण्ड, अफगानिस्तान र पहिलो चरणबाट छानिएका स्कटल्याण्ड र नामिबिया छन् ।
