काठमाडौं । उत्तर कोरियाले हप्तादिनभित्र फेरि अर्को नयाँ नयाँ एन्टि–एयरक्राफ्ट मिसाइल परीक्षण गरेको छ । अन्तर्राष्ट्रिय संचारमाध्यमहरुका अनुसार यो मिसाइल परीक्षमा परमाणु क्षमता हुन सक्ने बताएका छन् ।
विहीबार गरेको यो परीक्षण पछिल्लो एक महिनामा गरेको यो चौथो मिसाइल परीक्षण हो । केही दिनअघि मात्र उत्तर कोरियाले आफ्नो नयाँ हाइपरसोनिक मिसाइल परीक्षण गरेको थियो ।
उत्तर कोरियाले गरेको मिसाइल परीक्षणको विषयमा बोल्दै अमेरिकी विदेशमन्त्री एन्टोनी ब्लिन्केनले यो परीक्षणले अस्थिरता र असुरक्षाको आशंका बढाएको बताएका छन् ।
उत्तर कोरियाले आत्मरक्षाको लागि हतियारको आवश्यकता पर्ने बताएको छ । उसले अमेरिका र दक्षिण कोरियाले दोहोरो मापदण्ड अपनाएको आरोप पनि लगाएको छ ।
उत्तर कोरियाको सरकारी समाचार एजेन्सीले यो नयाँ एन्टि–एयरक्राफ्ट मिसाइलले निकै राम्रो युद्ध क्षमता प्रदर्शन गरेको बताएको छ ।
