काठमाडौं । अमेरिकाको केन्दकी राज्यस्थित ल्याक्सिङटनमा सुदूर पश्चिम समाज गठन भएको छ । सुदूरपश्चिमका विभिन्न जिल्लाबाट अमेरिका पुगेकाहरुले कला संस्कृतिको संरक्षणसँगै प्रवर्धनका लागि समाज गठन गरेका हुन् ।
सुदूरपश्चिमेलीको एक भेलाले श्रष्टा उद्धबराज उप्रेतीको अध्यक्षयतामा ‘सुदुर पश्चिम समाज ल्याक्सिङटन’ गठन गरेका छन् । गौरा पर्वको अबसर पारेर ल्याक्सिङटमा भएका सुदूर पश्चिमका नेपालीहरुले यो समाज गठन गरेको उप्रेतीले बताएका छन् ।
समाजको उपाध्यक्षमा चुडामणि अवस्थि, महिला उपाध्यक्षमा रेखा जोशी, सचिवमा मानबहादुर शाह (मानव), सहसचिवमा गोविन्द अवस्थि, कोषाध्यक्षमा विनोद पन्त रहेका छन् ।
त्यसैगरी समाजको कार्यसमिति सदस्यहरुमा प्रकाश पाण्डेय, निराजन चौधरी, अर्चना शाही, प्रकाश थापा, त्रिलोक सिंह ऐर, टेकप्रसाद न्यौपाने र विवेक ढकाल रहेका छन् ।
समाजले त्यहाँ गौरापर्व मनाउनुका साथै एउटा देउडा गीत रेकर्ड गराएर म्युजिक भिडियो समेत छायाँकन गरेको छ । समाजले सुदूर पश्चिमबाट अमेरिका गएकाहरुलाई एकिकृत गरेर सुदूर पश्चिमको भाषा, संस्कृत, गीत संगीतको प्रवर्धन गर्ने नव अध्यक्ष उप्रेतीले बताए ।
