काठमाडौँ । अमेरिकामा समुद्री आँधीका कारण ज्यान गुमाउनेको संख्या बढिरहेको छ । अमेरिकाका राजधानी न्यूयोर्क र न्यू जर्सीमा आँधीले क्षति पुर्याएको छ । घरहरु भत्किएका छन् भने रुखहरु घरमाथि ढलेका तस्वीर अन्तर्राष्ट्रिय संचारमाध्यमहरुले जनाएका छन् ।
आँधीका कारण बढीमा ५० जनाको ज्यान गएको बताइएको छ । तर, स्थानीय प्रहरीले ४६ जनाको मृत्यु भएको पुष्टि गरेको अमेरिकी संचारमाध्यमहरुले जनाएका छन् । बिहीबार न्यू जर्सीमा मात्र २३ जनाले ज्यान गुमाएको सीएनएनले जनाएको छ । गर्भनर फिल मर्फीका अनुसार मारिने अधिकांश आफ्नो गाडीमा यात्रा गरिरहेका बेला बाढी परेका थिए । अधिकारीहरुले मृतकको संख्या अझ बढ्न सक्ने बताएका छन् ।
आँधीपछि आएको भारी वर्षाका कारण पूर्व राज्यहरु कनेन्टिकट, मेरिल्याण्ड, न्यू जर्सी, न्यूयोर्क, पेन्सिलभेनिया र भर्जिनियामा दर्जनौँले ज्यान ज्यान गुमाएका छन् । हजारौं नागरिक घरबारविहीन भएका छन् । न्यूयोर्क र न्यूजर्सीमा भारी वर्षका कारण मानिसहरु आफ्नो घरको बेसमेन्ट र कारमा नै फसेका छन् । न्यूयोर्क सहरमा मात्र ३ जना नेपाली सहित १४ जनाले ज्यान गुमाएका छन् । न्यूयोर्कमा संकटकाल नै घोषणा गरिएको छ ।
आँधीमा परी सोलुखुम्बु घर भइ हाल न्यूयोर्क बस्दै आएका आङ गेलु लामा र उनकी पत्नी मिङमार शेर्पा र १९ महिनाको छोरा लोप्साङ लामाको ज्यान गएको छ । सोलुखुम्बुको दूधकुण्ड नगरपालिका–२ जुनवेशीका लामा केही समयदेखि न्यूयोर्क बस्दै आएका थिए ।
