काठमाडौं । भोलिबाट लामो दुरीका सार्वजनिक सवारी सधान संचालन हुने भएका छन् । काठमाडौँ उपत्यकामा पछिल्लो पटक थपेको निषेधाज्ञा आज रातिबाट सकिँदैछ ।
योसँगै भोलि अर्थात साउन १ गतेबाट काठमाडौँ उपत्यकाबाट देशका विभिन्न जिल्लामा सार्वजनिक सवारी सधान चल्न पाउने भएका छन् । जोर विजोर प्रणालीअनुसार यातायात व्यवसायीहरुले गाडीहरु संचालन गर्न दिन निर्णय गर्न लागिएको छ । त्यसको लागि काठमाडौँ उपत्यकाका तीनवटै जिल्लाका प्रमुख जिल्ला अधिकारीको बैठक बस्दैछ ।
काठमाडौँ उपत्यकासहित धेरै जिल्लाहरुमा निषेधाज्ञा खुकुलो भएसँगै मानिसहरुको चहलपहल पनि बढ्दै गएको छ । लामो समयदेखि बन्द व्यवसायहरु पनि संचालनमा आउन थालेपछि मानिसहरु एक ठाउँबाट अर्को ठाउँमा जानु पर्ने भएकोले लामो दुरीका सवारी सधान संचालन गर्न अनुमति दिइएको हो ।
काठमाडौँमा अझै पनि केही क्षेत्र संचालनमा आएका छैनन् थप खुकुलोसहित निषेधाज्ञा थप गरिएको थियो । त्यसबारे निर्णय गर्न आज काठमाडौँ उपत्यकाका तीनवटै जिल्लाका प्रमुख जिल्ला अधिकारीको बैठक बस्दैछ ।
निषेधाज्ञा खुकुलो पारिएपछि कोरोना संक्रमण तुलनात्मक रुपमा बढेपनि अहिले नै थप कडाई नहुने बताइएको छ ।
कोरोना भाइरस संक्रमणको दोस्रो लहरसँगै बैशाख १६ गतेदेखि जारी गरिएको निषेधाज्ञा जारी छ । पछिल्लो पटक थप गरिएको निषेधाज्ञाको अवधि आज राति १२ पछि सकिँदैछ ।
