News Portal

  • चिनियाँ कम्युनिस्ट पार्टीको सय वर्षः विश्वकै दोस्रो ठूलो जलविद्युतबाट उत्पदान सुरु

    डबली संवाददाता२०७८ असर १५ गते
    १६४ पटक

    काठमाडौँ । चिनियाँ कम्युनिस्ट पार्टी स्थापनाको सय वर्ष पूरा हुनै लाग्दा चीनले ठूल्ठूला आयोजना सम्पन्न गरेको छ ।

    तिब्बतमा बुलेट रेलको उद्घाटन गरेको केही दिनमै चीनले विश्वकै दोस्रो ठूलो जलविद्युत आयोजनाको पनि परीक्षण उत्पादन सुरु गरेको छ ।

    सन् १९२१ मा चिनियाँ कम्युनिष्ट पार्टीको स्थापनाको एक सयौं वर्ष यसै साता मनाउने अवसरमा नयाँ विद्युत् गृह निर्माणको घोषणा भएको छ ।

    पहिलो ठूलो जलविद्युत आयोजना पछि चीनले याङ्सी नदीको सहायक नदीका रुपमा रहेको जिन्सा नदीमा निर्माण गरिएको बाइहेटान बाँधबाट विद्युत् उत्पादन हुन थालेको छ ।

    चिनियाँ संचारमाध्यमहरुका अनुसार जैविक इन्धनको खपत कम गरी वैकल्पिक र जलविद्युत् उत्पादनमार्फत विद्युतको माग पूरा गर्ने चीनको योजना बमोजिम चीनमा ठूला जलविद्युत् गृहहरु निर्माण भइरहेका छन् ।

    बाइहेटान बाँधको उचाइ २८९ मिटर अग्लो हुनेछ र १० लाख किलोवाट क्षमताका १६ वटा विद्युत् उत्पादन जेनेरेटर जडान हुनेछन् । यो सन् २००३ मा चीनको याङ्सी नदीमै निर्मित थ्री गर्जेज बाँधपछिको दोस्रो ठूलो हो । थ्री गर्जेजको विद्युत उत्पादन क्षमता दुई करोड २५ लाख किलोवाट रहेको छ ।

    यी दुवै विद्युत आयोजना राज्य नियन्त्रित थ्री गर्जेज ग्रुप कर्पोरेसनले निर्माण गरेको हो । यो समूह जलविद्युत, सौर्य र वायु ऊर्जा उत्पादनमा विश्वकै सर्वाधिक ठूलो लगानीकर्ता हो ।

    चीनले उत्पादित विद्युतलाई शाङ्घाई र अन्य पूर्वी शहरहरुमा उच्च गतिको प्रसारण लाइनबाट विद्युत लैजाने गरेको छ ।

    बाइहेटान विद्युत्गृहबाट उत्पादित विद्युत् उत्पादन पूर्ण क्षमतामा हुन थालेपछि बर्सेनि दुई करोड टन कोइलाको खपत कम हुने चिनियाँ अधिकारीहरुले बताएका छन् ।

    प्रतिकृया दिनुहोस्