काठमाडौं । शेयर कारोबार मापक नेप्से परिसूचक ३ हजार माथिको विन्दुमा पुगेर नयाँ रेकर्ड कायम भएको छ । यस अघि आइतबारमात्रै २ हजार ९ सय ८३ मा पुगेर कायम भएको रेकर्ड आज (सोमबार) नै तोडिएको छ ।
सोमबार प्रिओपनिंङ समयमा बजार २६.३५ अंकले वृद्धि हुदै नेप्से परिसूचकांक ३००९.४५ अंकमा पुगेको हो । यो अहिलेसम्मकै उच्च विन्दु हो ।
शेयरमूल्यमा वृद्धि भएसँगै लगानीकर्ताहरुको मनमा उत्साह छाएको छ । यो समाचार तयार पार्दासम्म ८ ओटा कम्पनीको मूल्यमा उच्च वृद्धि भएको छ ।
लकडाउनको कारणले अन्य क्षेत्रमा कारोबार ठप्प भएपछि यस क्षेत्रमा लगानीकर्ताहरुको आकर्षणले बजारमा नयाँ रेकर्ड कायम भएको नेपाल स्टक एक्सचेञ्जले जनाएको छ ।
