News Portal

  • शेयर बजारमा नयाँ रेकर्ड, साढे १९ अर्ब माथिको कारोबार

    डबली संवाददाता२०७८ जेठ ३० गते
    १६९ पटक

    काठमाडौं । साताको पहिलो कारोबार दिन (आइतबार) नेप्से परिसूचक हालसम्मकै उच्च विन्दुमा पुगेको छ । नेप्से परिसूचक ३८ दशमलव ३२ अंकले वृद्धि भएर २ हजार ९ सय ८३ दशमलव ११ अंकमा पुगेको हो । यो हालसम्मकै उच्च विन्दु हो ।

    सेयर बजारमा उछाल आएसँगै आज कारोबार रकम समेत हालसम्मकै उच्च भएको छ । नेपाल स्टक एक्सचेन्ज (नेप्से) का अनुसार आज नेप्से परिसूचक उच्च विन्दुमा पुग्दा झण्डै २० अर्ब रुपैयाँ बराबरको कारोबार भएको छ ।

    ३ करोड ७० लाख ७६ हजार ४३९ कित्ता सेयर किनबेच हुँदा सेयर कारोबार करम १९ अर्ब ५५ करोड १ लाख ६६ हजार ६३६ रुपैयाँ पुगेको हो । यसअघि जेठ २३ गते भएको रू. १७ अर्ब २७ करोड १७ लाख ८७ हजार बराबरको सर्वाधिक रकमको कारोबार भएको थियो ।

    आज कारोबार भएका ४४ वटा कम्पनीको शेयरमूल्यमा उच्च बृद्धि भएको छ । शेयर संख्या र कारोबार संख्याका आधारमा नेशनल हाइड्रो पावरको सर्वाधिक ५ हजार ८ पटकको व्यापारमा १८ लाख ५ हजार ७३८ कित्ता सेयरको खरिदबिक्री भएको छ । कारोबार रकमका आधारमा भने अरुण भ्याली हाइड्रोपावरको ७२ करोड २९ लाख ७६ हजार २६७ रुपैयाँ बराबरको कारोबार भएको छ ।

    त्यस्तै, आज नेपाल इन्स्योरेन्सका लगानीकर्ताहरूले सर्वाधिक ४.१५ प्रतिशतले गुमाएका छन् । यस कम्पनीको शेयरमूल्य घटेर प्रतिकित्ता १ हजार ४० मा झरेको छ ।

    प्रतिकृया दिनुहोस्