News Portal

  • सरकारले एक हप्तामा दुई पटक बढायो पेट्रोलियम पदार्थको मूल्य, कति पुग्यो ?

    डबली संवाददाता२०७७ फागुन ५ गते
    १६६ पटक

    काठमाडौं । सरकारले फेरि पेट्रोलियम पदार्थको मूल्य बढाएको छ । नेपाल आयल नियगले एक हप्तामा दुई पटक बढाएको नयाँ मूल्य  मंगलबार राति १२ बजेदेखि लागु भएको छ ।

    निगमले सूचना गरी पेट्रोल, डिजल, मट्टितेल र हवाइ इन्धन (आन्तरिकतर्फ)को मूल्य बढाएको जानकारी दिएको छ । नयाँ मूल्यसूचीअनुसार पेट्रोलको मूल्य प्रतिलिटर १ सय १४ रुपैयाँ पुगेको छ । यस्तै डिजल र मट्टितेलको मूल्य ९७ रुपैयाँ प्रतिलिटर पर्नेछ । भारतीय आयल निगमले पठाएको नयाँ मूल्य सूचीअनुसार घाटाअझै चुलिने भएपछि तेलको मूल्य बढाएको हो ।

    मूल्य बढेपनि पेट्रोलमा ५ रुपैयाँ ८२ पैसा, डिजलमा ४ रुपैयाँ १३ पैसा र ग्यासमा २ सय ८५ रुपैयाँ ८३ पैसा घाटा रहेको निगमले जनाएको छ ।  मट्टितेलमा भने निगम नाफामा छ ।

     

     

    प्रतिकृया दिनुहोस्