News Portal

जापानमा ७.१ रेक्टर स्केलको शक्तिशाली भूकम्प गयो, राजधानी टोकियो लगायतका क्षेत्र अन्धकार

डबली संवाददाता२०७७ फागुन २ गते
६१ पटक

काठमाडौं । जापानमा ७ दशमलव १ रेक्टर स्केलको शक्तिशाली भूकम्प गएको छ । अन्तर्राष्ट्रिय संचारमाध्यमहरुका अनुसार शनिबार राति ११ बजेर ८ मिनेटमा फुकुशिमाको नामी शहर केन्द्रबिन्दु बनाएर भूकम्प गएको हो ।

अन्तर्राष्ट्रिय संचारमाध्यमहरुका अनुसार भूकम्पको क्षति पूरा विवरण आएको छैन । तर एक सय जना घाइते भएको बताइएको छ भने दर्जनौं घरमा क्षति पुगेको छ ।

भूकम्प फुकुशिमा आणविक केन्द्र नजिकै भएपनि कुनै क्षति नभएको अधिकारीहरुले जनाएका छन् । राजधानी टोकियोलगायत शहरहरुका विद्युत आपूर्ति प्रभावित भएको छ ।

भूकम्प लगत्तै दुई वटा पराकम्प गएको थियो । तर सुनामीको चेतावनी भने दिइएको छैन । जापानमा यसअघि सन् २०११ मा फुकुशिमामा भूकम्प पछि आएको सुनामीका कारण १८ हजार भन्दा बढीको मृत्यु भएको थियो ।

  • फाइल तस्विर
प्रतिकृया दिनुहोस्