काठमाडौं । नेपाल कम्युनिस्ट पार्टी (नेकपा) ओली समूहका कार्यकर्ताले अन्तरवार्ता लिएको विषयलाई लिएर पत्रकारमाथि कुटपिट गरेका छन् । ‘सारबर सेना’ नाम पाएका ओली समूहका कार्यकर्ताले काठमाडौंबाट प्रकाशन भइरहेको थाहा अनलाइन डटकममा कार्यरत पत्रकार कमलविक्रम जि.सीलाई कुटपिट गरेका हुन् ।
पत्रकार जिसीले प्रचण्ड-नेपाल समूहका विद्यार्थी संगठनका नेता रञ्जित तामाङको अन्तरवार्ता लिएको भन्दै भृकुटीमण्डपस्थित रत्नराज्य क्याम्पस परिसरमा ओली समूहका कार्यकर्ताले कुटपीट गरेको थाहा अनलाइनले बताएको छ ।
थाहा अनलाइनका संचालक यादवप्रसाद सुनारले विज्ञप्ति जारी गरेर तामाङको अन्तरवार्ता किन लिएको भन्दै ओली समूहका कार्यकर्ताहरुले भौतिक हमला गरेको भन्दै निन्दा गरेका छन् ।
यसैबीच क्रान्तिकारी पत्रकार संगठन नेपालले विज्ञप्ति जारी गरेर अन्तरवार्ता लिएको विषयलाई लिएर पत्रकार जिसीमाथि भएको आ क्रमण निन्दा एवं भत्सर्ना गरेको छ । संगठनका काअध्यक्ष दीपबहादुर घर्ती र महासचिव बाबुराम भुसालले संयुक्तरुपमा विज्ञप्ति जारी गरेर घटनामा संलग्नको खोजी गरी कडा कारवाही गर्न माग समेत गरेका छन् । आफ्ना असहमित राख्ने अन्य माध्यम हुँदाहुँदै सोझै आ क्रमण गर्नु गुण्डाराजको नमूना भएको विज्ञप्तिमा उल्लेख छ ।
”मंगलबार राजधानीमा थाहा खबर डटकममा कार्यरत पत्रका्र कमल जिसीमाथि आक्रमण भएको छ । अनलाइनमा प्रकाशन भएको सामाग्रीमाथि प्रश्न उठाउँदै राजधानीको प्रदर्शनीमार्गस्थित एक क्याम्पसमा स रकार संरक्षित केही व्यक्तिहरुबाट पत्रकार जिसीमाथि सांघातिक आक्रमण भएको थाहा भएको छ । हाम्रो संगठन पत्रकार जिसीमाथि भएको आक्रमणको घोर निन्दा एवं भत्र्सना गर्दछ । साथै आक्रणमा सम्लग्नहरुको खोजी गरी कडा कारवाही गर्न माग गर्दछ । आफ्ना असहमति राख्ने अन्य माध्यम हुँदा हुँदै सोझै आक्रमण गर्ने कार्य गुण्डाराजको नमूना हो” विज्ञप्तिमा भनिएको छ ।
त्यसैगरी जिल्ला मालपोत कार्यालय, कैलालीका प्रमुख सुरेन्द्र केसीले अर्थ सरोकार डटकमका पत्रकार सुदर्शन श्रेष्ठमाथि गरेको दुव्र्यवहारप्रति क्रान्तिकारी पत्रकार संगठन, नेपालको गम्भीर ध्यानाकर्षण भएको जनाएको छ । सेवाग्राहीको निरन्तरको गुनासोपछि समाचार संकलनका लागि मालपोत कार्यालय पुगेर सूचना माग्दा मालपोत कार्यालय प्रमुख केसीले पत्रकार श्रेष्ठलाई अपशब्द बोल्दै हातपात गर्न खोजेको र धम्की दिएको भन्दै संगठनले कार्यालय प्रमुख केसीको उक्त कार्य घोर निन्दा र भत्सर्ना गरेको छ ।
काअध्यक्ष घर्ती र महासचिव भुसालद्वारा जारी विज्ञप्तिमा भनिएको छ, ”मालपोत कार्यालय भ्रष्टाचार र कमिसनको अखडाका रुपमा रहेको व्यापक जनगुनासो रहने गरेको छ । मालपोत कार्यालयहरुमा जाने जो कोही सेवाग्राहीहरु यहाँ हुने दलाली, कमिसन र घुसखोरीका बारे परिचित छन् । सर्वसाधारण नागरिकका गुनासा सुन्नु, त्यसलाई सम्बन्धित निकायमा पुर्याउनु, सार्वजनिक निकायमा निगरानी राख्नु, जिम्मेवार बनाउनु र राज्यलाई झक्झक्याउनु मिडियाको अहम दायित्व हो । नागरिकले जान्न चाहेका सूचनाहरु उपलब्ध गराउनु सार्वजनिक निकायको संवैधानिक दायित्व हो । सूचनाको हक, प्रेस स्वतन्त्रता र अभिव्यक्ति स्वतन्त्रता संविधानले प्रत्याभूत गरेका आधारभूत अधिकार हुन् । संविधानले प्रदान गरेका अधिकारहरुको हनन गर्ने र उल्लंघन गर्ने कार्य दण्डनीय हुन्छ । अझ त राज्यको जिम्मेवार निकायमा बसेर नागरिकको करबाट सेवासुविधा उपभोग गर्ने कर्मचारीले यस किसिमको कार्य गर्नु गम्भीर कुरा हो । हाम्रो संगठन पत्रकार श्रेष्ठमाथि दुव्र्यवहार गर्ने र मिडियामाथि आक्रमण गरेर आफ्ना कार्य ढाकछोप गर्न खोज्ने मालपोत कार्यालय कैलालीका प्रमुख केसीमाथि हदैसम्मको कारवाही गर्न सरकारसँग माग गर्दछ । साथै निज केसीलाई प्रेस विरोधी कर्मचारीका रुपमा सूचिकृत गर्न पनि सरोकारवालाई आग्रह गर्दछ ।”
