News Portal

  • डब्ल्यूएचओले भन्यो- कोरोनाविरुद्धको खोपको असमान वितरणले विश्व नैतिक असफलताको नजिक 

    डबली संवाददाता२०७७ माघ ६ गते
    ८९ पटक

    काठमाडौं । कोरोना भाइरसविरुद्धको खोपको असमान वितरणबारे विश्व स्वास्थ्य संगठन (डब्ल्यूएचओ) ले कडा शब्दमा चेतावनी दिएको छ ।डब्ल्यूएचओका प्रमुख डाक्टर टेड्रोस अधानम गेब्रियससले धनी र पहुँच भएका देशका नागरिकले मात्रै खोपमा पहुँच पाउने अवस्थाले विश्व नैतिक असफलताको नजिक पुगेको चेतावनी दिएको छ ।

    गेब्रियससले धनी देशहरुले आफ्ना नागरिकलाई मात्रै कोरोना खोप उपलब्ध गराउनु भेनको थप विपत्ति निम्त्याउने भएको बताएका छन् । उनले गरिब देशका पाको उमेर तथा जोखिम वर्गका मानिसभन्दा धनी देशका युवाहरुले पहिले खोप पाउनु उचित नहुने बताए ।

    अहिलेसम्म विश्वमा तीन करोड ९० लाख डोज खाप दिएको र त्यो ४९ वटा धनी देशका मानिसले पाएको भन्दै प्रमुख गेब्रियससले यसबाट थप चुनौतीहरु आउने बताएको बीबीसीले समाचारमा उल्लेख गरेको छ ।

    अहिलेसम्म चीन, भारत, रुस, बेलायत र अमेरिकाले कोरोनाविरुद्धको खोप विकास गरिरहेका छन् । यी सबै देशहरुले आफ्नो देशका नागरिकलाई प्राथमिकतामा राखेका छन् । कोरोनाविरुद्धको खोप वितरणमा विश्व विनाशकारी नैतिक असफलताको नजिक रहेको र यसको मूल्य तत्काल गरिब देशले चुकाउनुपर्ने भन्दै डब्ल्यूएचओले यस्तो अवस्थामा खोपको मूल्य बढ्ने, महामारी झन् बढ्ने र प्रतिबन्धहरुमा कारण आर्थिक समस्या डरलाग्दो हुने समेत बताएको छ ।

    विश्व स्वास्थ्य संगठनले विश्वमा खोपको बाँडफाँड गर्न यसअघि नै कोभ्याक्स कार्यक्रमका लागि प्रतिबद्धता आह्वान गरेको छ । कार्यक्रम अर्को महिना सुरु हुने डब्ल्यूएचओले जनाएको छ ।  आउँदाे अप्रिल ७ तारिखमा विश्व स्वास्थ्य दिवस मनाउँदा सबै देशहरुमा खोप अभियान सुरु भएको हुने अपेक्षा गरेको छ ।

    प्रतिकृया दिनुहोस्