काठमाडौं । कोरोनाभाइरविरुद्ध लगाएको खोपबाट २३ जनाको ज्यान गएको छ । यो नर्वेको घटना हो । अमेरिकी कम्पनी फाइजर र जर्मन कम्पनी बायोन्टेकले संयुक्त रुपमा विकास गरेको कोरोना खोपले ९० प्रतिशत सुरक्षित राख्ने दाबी गरिएको थियो ।
कम्पनीको दाबीमा विश्वास गरेर नर्वे सरकारले फाइजरलाई प्रयोगको अनुमति दिएको थियो । अन्तर्राष्ट्रिय समाचार एजेन्सीहरुका अनुसार खोप लगाएको केही बेरमै १३ जनाको मृत्यु भएको थियो । उनीहरुलाई खोप लगाएको केही छिनमै साइड इफेक्ट देखिएपछि उपचारको लागि अस्पताल लगिएको थियो ।
त्यसैगरी अन्य १० जनाको भने खोप लगाएको केही घण्टामा नै मृत्यु भएको समाचारमा जनाइएको छ । मृत्यु हुनेमा ८० बर्ष उमेर समूहका रहेका छन् ।
नर्वेका मेडिसिन एजेन्सीका मुख्य चिकित्सक सिगर्ड हार्टेमोले साधारण ज्वरो आएका व्यक्तिहरुमा खोप लिने बितिकै सामान्य प्रभाव परेको र गम्भीर प्रकृतिका बिरामीलाई भने उक्त खोप घातक सावित भएको बताए । घटना लगत्तै नर्वेले कोरोनाको खोपको स्वरुप परिवर्तन गरेको सिगर्डले जानकारी दिए ।
यता फाइजरले घटनालाई स्वीकार गर्दै नर्वे मेडेसिन एजेन्सीसँगको समन्वयमा अनुसन्धान भइरहेको जनाएको छ । नर्वेमा ३० हजार भन्दा बढीलाई गत महिना फाइजर र मोर्डनाको पहिलो डोज दिइसकेको छ ।
कोरोनाभाइरसबाट नर्वेमाम ५८ हजार ४ सय ४५ जना संक्रमित भएका छन् भने ५ सय १७ जनाको मृत्यु भइसकेको छ ।
