काठमाडौं । राष्ट्रपति ट्रम्पले संककटकाल घोषणा गरेका छन् । नव निर्वाचित राष्ट्रपति जो बाइडेनको शपथ समारोह हुने शहर वाशिङटन डिसीमा ट्रम्पले संकटकाल घोषणा गरेको अन्तर्राष्ट्रिय संचारमाध्यमहरुले जनाएका छन् ।
ट्रम्पविरुद्ध अमेरिकामा महाभियोग दर्ता भएको छ । संसदमा महाभियोगमाथि मतदान गर्ने तयारी भइरहँदा ट्रम्पले संकटकाल घोषणा गरेका हुन् । ट्रम्पले जनवरी ११ देखि २४ जनवरी सम्म २ साताको लागि वाशिङटन डिसीमा संकटकाल घोषणा गरेका छन् ।
संसदमाथिको हमलापछि फेरि दंगा भट्किने सक्ने भन्दै ट्रम्प प्रशासनले दुई हप्ता लामो संकटकाल घोषणा गरेको बताइएको छ । नयाँ राष्ट्रपतिको शपथ समारोहलाई प्रभावित गर्ने नियतले ट्रम्पले संकटकाल घोषणा गरेको बताइएको छ ।
साथै आपतकालको समयमा ट्रम्पका समर्थकहरुले हिंसा मच्चाउन सक्ने भन्दै स्थानीय प्रहरी र संघीय अनुसन्धान अधिकारीहरुले चिन्ता व्यक्त गरेका छन् । यसअघी अमेरिकी संघीय अनुसन्धान ब्युरो एफबीआईले ट्रम्पका समर्थकहरुले अमेरिकाको ५० वटा राज्यहरुमा हतियार सहित प्रदर्शन हुन लागेको खुलासा गरेको थियो ।
ट्रम्पको निर्देशनमा संसद भवनमा गरिएको हमलामा पाँच जनाको ज्यान जानुको साथै सयौं व्यक्ति घाइते भएका थिए । क्यापिटल हाउसमा भएको घटनाबारे ट्रम्पले एक पहिलामात्रै सार्वजनिक अभिव्यक्ति दिँदै घटनापूर्व आफूले बोलेका कुरा जायज रहेका समेत बताएका थिए ।
चुनावमा धाँँधली भएको भन्दै ट्रम्पले परिणामलाई अस्वीकार गर्दै आएका छन् । सुरुमा सत्ता सजिलै नछोड्ने बताउँदै आएका ट्रम्प संसद भवनमा भएको घटनापछि भने शान्तिपूर्ण रुपमा सत्ता हस्तान्त्रण गर्न तयार भएका छन् ।
