काठमाडौं । लेस्टर सिटीसँग स्टोक सिटीले चार गाेल खाएको छ । गएराति इङ्ग्लिस फुटबल प्रतियोगिता एफ ए कपमा भएको खेलमा स्टोकले कुनै पनि गोल गर्न सकेन । यो जितसँगै लेस्टर खेलको चौथो चरणमा प्रवेश गरेको छ ।
स्टोकको घरेलु मैदानमा भएको खेलमा सुरुवाती आधा घण्टा गोलरहित बराबरी खेलेको लेस्टरले ३४ औं मिनेटमा अग्रता बनाएकाे थियाे । लेस्टरका लागि जस्टिनले पहिलाे गोल गर्न सफल भए ।
समाचार एजेन्सीहरुका अनुसार पहिलो हाफमा एक गोलको अग्रता बनाएको लेस्टरका लागि ५९ औं मिनेटमा ल्ब्राइटोनले दोस्रो गोल गरे । त्यसपछि ७९ औं मिनेटमा योजी पेरेजले गोल गर्दै टिमलाई तीन शून्यले अगाडि राखे । बारनेसले ८१ औं मिनेटमा गोल गरेपछि लेस्टरले चार शून्यको सहज जित निकाल्यो । यो खेलमा लेस्टरका मुख्य खेलाडी भार्डीले खेलेका थिएनन् ।
यस्तै अर्को खेलमा सेफिल्डले ब्रिस्टोल रोभर्सलाई तीन दुईले हरायो भने स्वान्से सिटीले स्टेभेनागलाई दुई शून्य गाेलले पराजित गर्यो ।
