काठमाडौँ । नेपाल कम्युनिस्ट पार्टी (नेकपा)को प्रचण्ड–नेपाल समूहले संसदीय दलको नेतामा प्रचण्डलाई चयन गरेको छ । आज बसेको संसदीय दलको बैठकले प्रचण्डलाई दलको नेता चयन गरेको हो ।

बुधबार बसेको बैठकले पार्टी अध्यक्ष बनेको भोलिपल्ट माधव नेपालको प्रस्तावमा प्रचण्डलाई संसदीय दलको नेता चयन गरेको हो । बैठकमा नेपालले प्रचण्डलाई संसदीय दलको नेतामा सर्वसम्मतिले निर्वाचित भएको घोषणा गरेका थिए ।

आजको बैठकमा प्रतिनिसभाका निवर्तमान र राष्ट्रियसभाका गरी १ सय १५ सांसद उपस्थित थिए । मंगलबार बसेको केन्द्रीय समिति बैठकले अध्यक्ष र दलको नेताबाट केपी शर्मा ओलीलाई हटाएको थियो । अध्यक्ष वरिष्ठ नेता माधव कुमार नेपाललाई मंगलबार नै अध्यक्ष चयन गरिसकेको थियो ।