काठमाडौँ । प्रधानमन्त्री केपी शर्मा ओलीले संसद विघटन गर्नु आफ्नो रहर नभएर बाध्यता भएको बताएका छन् । जनमतअनुरुप काम गर्न नदिएकोले ताजा मनमतको लागि मध्यावधि चुनावको घोषणा गरेको बताए ।
देशबासीलाई सम्बोधन गर्दै ओलीले सरकारले राम्रो काम गरेपनि अर्का अध्यक्ष प्रचण्डलगायतका नेताहरुले अनिर्णयको बन्दी बनाउने प्रयास गरेको बताए । जनताको मतअनुसार काम गर्न नसकेपछि पुनरावेदनको लागि मध्यावधि निर्वाचन घोषणा गरेको बताए ।
(नेकपा)का अध्यक्ष समेत रहेका ओलीले संसद विघटन र निर्वाचनको घोषणाले झन् पार्टी एकतालाई मजबुद बनाउने दाबी समेत गरे । अस्थिरता निम्त्याउछ भनेर हल्लामा नलागेर चुनावको तयारीमा लाग्न नेता कार्यकर्तालाई अपील समेत गरे ।
सरकारले राम्रो काम गर्दा पनि आफ्नो चरित्रहत्या गर्नेगरी प्रस्ताव ल्याएको भन्दै आफूले प्रचण्ड निवासमै पुगेर फिर्ता लिन आग्रह गरेको समेत ओलीले सम्बोधनको क्रममा बताए ।
ओलीले पार्टी एकतालाई झन् मजबुद बनाएको दाबी गरिरहेको बेला यता प्रचण्ड र नेपाल समूहले संसद हलमै सांसदहरुको भेला गरिरहेका छन् । ओलीलाई कारवाही गरिएको जानकारी निर्वाचन आयोगलाई समेत जानकारी गराइएको छ ।
