News Portal

कोरोनाबाट १५९४ जनाको ज्यान गयो, सक्रिय संक्रमित १३ हजारमा झरे

डबली संवाददाता२०७७ मंसिर २१ गते
६६ पटक

काठमाडौं । नेपालमा कोरोनाभाइरसका सक्रिय संक्रमित घटिरहेका छन् । स्वास्थ्य तथा जनसंख्या मन्त्रालयका अनुसार आइतबार देशभर सक्रिय संक्रमितको संख्या १३ हजार ५८२ रहेको छ ।

आइतबार थप १ हजार ७५२ जना निको भएर डिस्चार्ज भएसँगै सक्रिय संक्रमित घटेका हुन् । कुल निको हुनेको संख्या २ लाख २५ हजार ८०५ पुगेको मन्त्रालयले जानकारी दिएको छ । निको हुने दर ९३.७ प्रतिशत रहेको मन्त्रालयले जनाएको छ ।

त्यसैगरी पछिल्लो २४ घण्टामा देशभर १०९६ जनामा कोरोनाभाइरस संक्रमण पुष्टि भएको छ । यससँगै देशभर कोरोना संक्रमितको कुल संख्या २ लाख ४० हजार ९८१ पुगेको छ ।

आइतबार थप १७ जनाको कोरोना भाइरस संक्रमणबाट ज्यान गएको छ । योसँगै ज्यान जानेको संख्या १ हजार ५ ९४ पुगेको छ ।

परीक्षण गराउनेको संख्या घटेसँगै संक्रमित पनि घटेका छन् ।  पछिल्लो २४ घण्टामा ६ हजार ४९५ जनाको पीसीआर भएको छ । अहिले समुम भने कुल परीक्षण संख्या १७ लाख ८४ हजार ५१९ पुगेको छ ।

यस्तै पछिल्लो २४ घण्टामा काठमाडौं उपत्यकामा थप ४८४ जनामा संक्रमण पुष्टि भएको छ ।

प्रतिकृया दिनुहोस्