News Portal

  • आज नेवार समुदायको भाइटीका, देशभर सार्वजनिक बिदा

    डबली संवाददाता२०७७ मंसिर २ गते
    २२४ पटक

    काठमाडौं । आज नेवार समुदायले भाइटीका अर्थात किजापूजा गरी तिहार मनाइरहेका छन् । अन्य समुदायले सोमबार भाइटीका लगाएपनि नेवार समुदायले एक दिनपछि किजापूजा गर्दैछन् ।

    सरकारले नेवार समुदायको किजापूजाको अबसरमा देशभर सार्वजनिक दिएको छ । नेवार समुदायले मनाउने अन्य चाड पर्वको अबसरमा काठमाडौं उपत्यकामा मात्रै बिदा दिँदै आएपनि किजापूजाको लागि भने सरकारले देशभर सार्वजनिक बिदा दिएकोछ ।

    नेवार समुदायले आफ्नो परम्पराअनुसार आज बिहान केही समय द्वितीया तिथि रहेकाले नेवार समुदायले भाइटीका लगाउन लागेका हुन्।

    भाइटीकाको दिन मात्र खुल्ने रानीपोखरीस्थित बालगोपालेश्वर मन्दिर आज पनि खुलेको छ। मन्दिर बिहान ५ बजेदेखि नै खुला गरिएको हो। काठमाडौं महानगरपालिकाका प्रमुख विद्यासुन्दर शाक्यले मंगलबार पनि भाइटीका मान्नेहरूका दर्शनको व्यवस्था गरिएको बताए।

    बालगोपालेश्वर मन्दिरमा दाजुभाइ नभएका दिदीबहिनी र दिदीबहिनी नभएका दाजुभाइ जम्मा भएर भाइटीका लगाउने गर्दछन्।

    पुनर्निर्माणको काम लामो समयसम्म जारी रहेकाले भूकम्पपछि बन्द रहेको मन्दिर पाँच वर्षपछि योपटक खुलेको हो। केही समयअघि रानीपोखरी र मन्दिरको पुनर्निर्माण सकिएको थियो।

    प्रतिकृया दिनुहोस्