News Portal

  • राष्ट्रिय वाणिज्य बैंक र पूर्वसशस्त्र प्रहरी संघबीच यस्तो भयो सम्झौता, १० लाखसम्म पेन्सन कर्जा पाइने

    डबली संवाददाता२०७७ कात्तिक २४ गते
    २७१ पटक

    काठमाडौँ । राष्ट्रिय वाणिज्य बैंक लिमिटेड र नेपाल पूर्वसशस्त्र प्रहरी संघबीच पेन्सनर कर्जा प्रवाह गर्ने सम्बन्धमा सम्झौता भएको छ । सोमबार भएको सम्झौतापत्रमा कर्जा आवश्यक भए संघले सदस्यहरुलाई बैंकले सिफारिस गर्ने र त्यस्ता सिफारिस भएर आएका सदस्यहरुलाई अधिकतम दश लाख रुपैयाँसम्म कर्जा प्रवाह गर्ने उल्लेख छ ।

    राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठ र नेपाल पूर्वशसस्त्र प्रहरी संघका अध्यक्ष किशोर कुमार लामाले हस्ताक्षर गरेका छन् । उक्त सम्झौता भएपश्चात नेपाल पूर्वशसस्त्र प्रहरी संघको सिफारिसको आधारमा बैंकले उपभोक्ता कर्जा निर्देशिका, २०७७ को अधिनमा रही अधिकतम दश लाख रुपैंयासम्म आधार दरमा दुई प्रतिशत थप प्रिमियम जोडेर पेन्सन र कर्जा प्रवाह गर्नेछ ।

    समारोहमा बैंंकका प्रमुख कार्यकारी अधिकृत श्रेष्ठले सशस्त्र प्रहरी सेवाबाट अवकाश प्राप्त गरेपछि पनि साना तथा मध्यम व्यवसाय गरी उत्पादनसँग जोडिइ आफ्नो आर्थिक अवस्था सुधार गर्न यो कर्जाले सघाउ पुर्याउने बताए । त्यैगरी संघका अध्यक्ष लामाले अवकाश प्राप्त सुरक्षाकर्मी साथीहरुले नोकरी पछि बैदेशिक रोजगारीमा नगई नेपालमै केही कार्य गर्न सकिने बताए ।

    समारोहमा राष्ट्रिय वाणिज्य बैंकका नायब प्रमुख कार्यकारी अधिकृत कविराज अधिकारी तथा संघका बरिष्ठ उपाध्यक्ष डा.ठाकुर मोहन श्रेष्ठले मन्तब्य व्यक्त गरेका थिए । बैंकका उपकार्यकारी अधिकृतहरु सरस्वती अधिकारी, देवेशप्रसाद लोहनी, विभागीय प्रमुखहरु विनयरमण पौडेल, पद्यमा जिसी, उपप्रमुख दामोदर ज्ञवाली, प्रबन्धक बालकुमार थापा र संघका तर्फबाट सचिव कविराज श्रेष्ठलगायतको कार्यक्रममा उपस्थिति रहेको थियो । कार्यक्रम कम्पनी सचिव भोलानाथ पौडेलले संचालन गरेका जिए ।

    बैंकको हाल ७७ जिल्लामा २४२ वटा शाखा कार्यालय, २०५ वटा एटिएम र ९३ वटा शाखा रहित बैंकिङ्ग रहेको छ ।
    ेदर ज्ञवाली, प्रबन्धक बालकुमार थापा र संघका तर्फबाट सचिव कविराज श्रेष्ठलगायतको कार्यक्रममा उपस्थिति रहेको थियो । कार्यक्रम कम्पनी सचिव भोलानाथ पौडेलले संचालन गरेका जिए ।

    बैंकको हाल ७७ जिल्लामा २४२ वटा शाखा कार्यालय, २०५ वटा एटिएम र ९३ वटा शाखा रहित बैंकिङ्ग रहेको छ ।

    प्रतिकृया दिनुहोस्