काठमाडौं । सत्तारुढ नेपाल कम्युनिस्ट पार्टी (नेकपा) को विवाद झन चर्किने भएको छ । अर्का अध्यक्ष तथा प्रधानमन्त्री केपी शर्मा ओलीले पार्टीको सचिवालय र स्थायी समिति बैठक बोलाउन अस्वीकार गरेपछि प्रचण्डले एक्लैले भएपनि शुक्रबार सचिवालय बैठक बोलाएसँगै विवाद झन चर्किने देखिएको हो ।
पार्टी प्रवक्ता नारायणकाजी श्रेष्ठका अनुसार कार्यकारी अध्यक्ष प्रचण्डले आज दिउँसो ३ सचिलयको बोलाएका छन् । बैठक अनौपचारिक भएको बताइएको छ । विहीबार प्रचण्ड र ओलीबीच भएको छलफल भएपनि बैठक बोलाउने भन्नेबारे कुनै सहमित हुन सकेको थिएन । प्रचण्डले बैठक बोलाउन गरेको प्रस्ताव ओलीले अस्वीकार गरेका थिए ।
ओलीसँग भेटपछि विहीबार नै आफू निकटका नेताहरुसँग परामर्श गरेका थिए । वरिष्ठ नेता माधव कुमार र झलनाथ खनाल बैठक बोलाउन सहमत भएका थिए ।
स्रोतका अनुसार पार्टी कार्यालय धुम्बाराहीमा बोलाइएको बैठकमा अध्यक्ष तथा प्रधानमन्त्री ओली सहभागी नहुने भएका छन् । बैठक स्थगित गराउन ओली पक्षका केही नेताहरुले पहल गरेका छन् । उनीहरुले पार्टीभित्रको विवाद झनै बढ्ने भन्दै बैठक स्थगित गरेर ओलीसँग संवाद गर्न प्रचण्डलाई सुझाव दिएका छन् । तर प्रचण्ड बैठक गरेरै छोड्ने मानसिकतामा छन् ।
यसअघि ओलीले एक भएर बस्न नसिकने भन्दै प्रचण्डसँग सँगै जान नसकिने भन्दै सल्लामै पार्टी अलग बनाउँ भन्दै प्रस्ताव गरेका थिए । उनले पार्टीका नेता नेताहरुसँग उक्त प्रस्तावबारे छलफल गरेका थिए ।
