News Portal

कपिलवस्तुमा उखुबारीमा आगलागी, लाखौंको क्षति

कमलेश चन्द्र गुप्ता
१७१ पटक

कपिलवस्तु । जिल्लामा उखुबारीमा आगलागी भएको छ । कपिलवस्तुको कृष्णनगर नगरपालिका वार्ड नं. ६ भिल्मीमा मंगलवार दिउँसो करिब ३ बजेतिर आगलागी भएको हो । दिउँसो ३ बजे लागेको आगो करीब साढे ४ बजे नियन्त्रणमा आएको छ ।

कम्पाइनबाट कटिएको धानको पराल जलाउने क्रममा सल्किएको स्थानीयले बताएका छन् । आगलागीबाट करीब २५ कठ्ठा उखु र १५ धुर धान जलेर नष्ट भएका छन् भने करिब २ लाख ५० बराबरको क्षती भएको अनुमान गरिएको छ ।

आगलागीबाट दरबारी यादव, मोबिन मुसलमान, बनाहै कोरी, किशोर यादवको उखु र निब्बर यादवको धानबाली जलेको प्रहरीले बताएको छ । आगलागीबारे अनुसन्धान भइरहेको प्रहरीले जनाएको छ । कृष्णनगर नगरपालिकाको दमकल र घरेलु साधन – स्रोतबाट आगो नियन्त्रणमा लिएको स्थानीय निवासी रामफेर गुप्ताले जानकारी दिए ।

प्रतिकृया दिनुहोस्