News Portal

  • कोरोना संक्रमणबाट नेपालमा ८ सय १२ जनाको ज्यान गयो, सक्रिय संक्रमितको संख्या ४५ हजार नजिक

    डबली संवाददाता२०७७ कात्तिक ६ गते
    ३१० पटक

    काठमाडौं । नेपालमा कोरोना भाइरस संक्रमणबाट ज्यान गुमाउनेको संख्या ८ सय नाघेको छ । स्वास्थ्य तथा जनसंख्या मन्त्रालयका अनुसार विहीबार थप २१ जनाको ज्यान गएको छ । योसँगै अब नेपालमा कोरोनाबाट ज्यान गुमाउनेको संख्या ८ सय १२ पुगेको छ ।

    मन्त्रालयका प्रवक्ता डा जागेश्वार गौतमका अनुसार विहीबार देशभर थप ३ हजार ६३७ जनामा कोरोना संक्रमण पुष्टि भएको छ । यससँगै कोरोना संक्रमितको कुल संख्या १ लाख ४८ हजार ५०९ पुगेको छ ।

    त्यसैगरी विहीबार सक्रिय संक्रमितको ४५ हजार नजिक पुगेको छ । बिहीबारसम्म सक्रिय संक्रमितको संख्या ४४ हजार ८७७ पुगेको प्रवक्ता गौतमले जानकारी दिए । विहीबार संस्थागत आइसोलेशनमा १३ हजार ३४९ र होम आइसोलेशनमा ३१ हजार ५३८ जना रहेको मन्त्रालयका प्रवक्ता डा जागेश्वर गौतमले बिहीबारको नियमित प्रेस ब्रिफिङमा जानकारी दिए ।

    यस्तै नेपालमा कोरोना भाइरस संक्रमणमुक्त हुनेको संख्या एक लाख नाघेको छ । पछिल्लो २४ घण्टामा थप ३,२१५ जना कोरोना संक्रमण मुक्त भएसँगै कोरोना निको हुनेको संख्या १ लाख २ हजार ८२० पुगेको छ।

     

    प्रतिकृया दिनुहोस्