News Portal

  • जिल्ला प्रशासन कार्यलय रुपन्देहीमा प्रभु बैंकको एक्स्टेन्सन काउण्टर सञ्चालन

    डबली संवाददाता२०७७ कात्तिक ५ गते
    २२० पटक

    काठमाडौँ । प्रभु बैंक लिमिटेडले रुपन्देही जिल्ला प्रशासन कार्यालयमा एक्स्टेन्सन काउण्टर संचालनमा ल्याएको छ । सिद्वार्थनगर नगरपालिकास्थित – ५ स्थित जिल्ला प्रशासन कार्यालयमा एक्स्टेन्सन काउण्टर सञ्चालनमा ल्याएको हो । रुपन्देहीस्थित जिल्ला प्रशासन कार्यलयमा स्थापित एक्स्टेन्सन काउण्टरबाट कात्तिक ५ गतेदेखि कारोबार सुरु भएको छ ।

    नेपाल राष्ट्र बैंक तथा अन्य सम्बन्धित निकायसँग समन्वय गरी विभिन्न सरकारी निकायहरुको बैंकिङ्ग कारोबार प्रभावकारी रुपमा सञ्चालन गरिरहेको प्रभु बैंकले जिल्ला प्रशासन कार्यलयरुपन्देहीमा पनि आप्mनो सेवा विस्तार गर्न सफल भएको छ ।

    प्रभु बैंकको एक्स्टेन्सन काउण्टरबाट जिल्ला प्रशासन कार्यालयमा आउने सेवाग्राहीहरुलाई रकम जम्मा गर्न र जिल्ला प्रशासन कार्यलयको काम गर्न सहज र सरल हुने भएको छ । प्रभु बैंकको एक्स्टेन्सन काउण्टरबाट प्रवाह गरिने बैंकिङ्ग सेवाबाट स्थानीयबासी तथा सेवाग्राहीहरुले प्रभु बैंकको गुणस्तरीय बैंकिङ्ग सेवा उपभोग गरी लाभान्वित हुने बैंकले विश्वास लिएको छ ।

    प्रभु बैंकले २१० वटा शाखा कार्यालय, १९४ वटा ATM,५५ वटा एक्स्टेन्सन काउण्टर तथा १७ वटा शाखा रहित बैंकिङ्ग सेवा मार्फत अत्याधुनिक प्रविधियुक्त गुणस्तरीय बैंकिङ्ग सेवा प्रवाह गरिरहेको छ ।

    प्रतिकृया दिनुहोस्