काठमाडौँ । पछिल्लो समय यूएईमा जारी १३ औं संस्करणको आईपीएल टी ट्वान्टी क्रिकेटमा आज दिल्ली क्यापिटल्स र किङ्स इलाभेन पन्जाबबीच प्रतिस्पर्धा हुँदैछ ।
दुबई अन्तराष्ट्रिय क्रिकेट मैदानमा दिल्ली आठौं जितको खोजीमा छ ।
हाल सम्म अघिल्ला ९ खेलमा ७ जित सहित १४ अंक जोडेर दिल्ली शीर्ष स्थानमा रहेको छ । पन्जाब ९ खेलमा ६ अंक जोडेर पुछारबाट दोस्रो स्थानमा रहेको छ ।
नेपाली लेग स्पिनर सन्दीप लामिछाने आबद्द दिल्ली र पन्जाबबीचको खेल नेपाली समय अनुसार बेलुकी ७ः४५ बजे सुरु हुनेछ।
पञ्जाब भने दिल्लीलाई हराएर चौंथो जित हात पार्ने दाउमा छ । यस्तै पन्जाब दिल्लीविरुद्ध सिजनको पहिलो भेटमा व्यहोरेको हारको बदला समेत लिन चाहन्छ । पहिलो भेटमा दिल्लीले पन्जाबलाई सुपर ओभरमा हराएको थियो ।
