काठमाडौं । नेपालमा थप २ हजार ९४२ जनामा कोरोना भाइरस संक्रमण भएको पुष्टि भएको छ । स्वास्थ्य तथा जनसंख्या मन्त्रालयका अनुसार आइतबार काठमाडौं उपत्यकामा १ हजार ६९८ जनामा कोरोनाभाइरस संक्रमण पुष्टि भएको छ ।
मन्त्रालयका प्रवक्ता डा. जागेश्वर गौतमका अनुसार संक्रमितमध्ये काठमाडौँमा १ हजार ४६९, ललितपुरमा १३० र भक्तपुरमा ९९ जना रहेका छन् । गौतमले नेपालमा कुल संक्रमितको संख्या १ लाख ३२ हजार २४६ पुगेको जानकारी दिए ।
त्यसैगरी पछिल्लो २४ घण्टामा २ हजार ३२६ जना कोरोनामुक्त भएर घर फर्किएका छन् । योसँगै कोरोना जित्नेको संख्या ९२ हजार १६६ पुगेको छ । आइतबार ३९ हजार ३४१ पुगेको छ । यस्तै हाल देशभर संस्थागत आइसोलेशन १२ हजार ९३३ जना र होम आइसोलेशन २६ हजार ४०८ जना रहेका छन् ।
यस्तै कोरोना भाइरस संक्रमणबाट थप १२ जनाको ज्यान गएको छ । योसँगै कोरोनाबाट ज्यान गुमाउनेको ७३९ पुगेको छ। हालसम्म १२ लाख ८३ हजार ३५४ जनाको पीसीआर हुँदा कुल संक्रमित १ लाख ३२ हजार २४६ पुगेका छन् ।
