काठमाडौं । नेपालमा थप ३ हजार बढीमा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३ हजार १६७ जना संक्रमित भएको पुष्टि भएको छ ।
मन्त्रालयका प्रवक्ता डा. जागेश्वर गौतमले संक्रमितको संख्या १ लाख २९ हजार ३०४ पुगेको जानकारी दिए । शनिबार सक्रिय संक्रमितको संख्या ३८ हजार ७३७ पुगेको छ ।
त्यसैगरी थप १२ जनाको कोरोनाका कारण ज्यान गएको छ । योसँगै नेपालमा कोरोना संक्रमणका कारण ७ सय २७ जनाको ज्यान गएको छ । त्यस्तै आज थप १ हजार ८ सय जना कोरोनामुक्त भएर डिस्चार्ज भएका छन् । नेपालमा कोरोना जितेर डिस्चार्ज हुनेको संख्या ८९ हजार ८४० पुगेको छ ।
राजधानी काठमाडौंमा कोरोना भाइरस संक्रमण दिनदिनै बढिपछि स्थानीय प्रशासनले अत्यावश्यक बाहेका सेवाहरु स्थगित गर्न थालेका छन् । उपत्यकाका भक्तपुर र ललितपुर जिल्लाले अत्यावश्यक बाहेक सबै सेवाहरु स्थगित गरेका छन् । दुबै जिल्लाले कोरोना संक्रमण तीब्र रुपमा फैलिएको भन्दै आइतबारदेखि लागू हुनेगरी सो निर्णय गरेका हुन् । कोरोनाबाट सबैभन्दा बढी प्रभावित काठमाडौंले पनि सो निर्णय गर्ने बताइएको छ ।
