काठमाडौँ । विश्वभर महामारीको रुप लिएको कोरोना भाईरस संक्रमण हाल नेपालमा पनि नियन्त्रण बाहिर जादै छ । पछिल्लो समय नेपालमा अत्याधि संक्रमित हुन थालेको छन् । यसैबिच नेपालीहरुको महान चाड दशै तथा तिहार नजिकिए सगै काठमान्डौ ओहोरदोहोर गर्नेहरुको भिडभाड हुन थालेको छ ।
यो बिचमा लकडाउन खुलेको कारण संक्रमित प्रतिदिन बढ्दै गइरहेको छन् । यसै क्रममा लामो समय देखि नबसेको सिसिएमसीको बैठक बस्ने भएको छ ।
कोरोना संक्रमणको दर बढ्दै गएपछि त्यसको नियन्त्रणका लागि शुक्रबार कोभिड–१९ संकट व्यवस्थापन केन्द्र सिसिएमसीको बैठक बस्ने भएको छ । बैठकमा उपत्यका छिर्ने नाका कडाइ गर्ने विषयमा छलफल हुने बताइएको छ ।
यस्तै प्रतिनिधि सभाको शिक्षा तथा स्वास्थ्य समिति अन्तर्गतको ‘कोभिड १९ नियन्त्रणमा सरकारको कामकारबाही अनुगमन उपसमिति’ले उपत्यका प्रवेशको नाका सिल नगरे कोरोनाको महामारी थप भयावह हुन सक्ने चेतावनी पनि दिएको छ ।
यसअघि सरकारले कोरोना न्यूनीकरण गर्न लकडाउन र निषेध आज्ञा गरे पनि काठमाडौ छिर्ने नाकामा कडाइ नहुँदा उपत्यकामा कोरोना संक्रमण बढेको अनुमान गरिएको छ ।
