काठमाडौँ । कर्णाली प्रदेशका मुख्यमन्त्री विवाद पछि प्रचण्ड गुटको छुट्टै भेला बसेको छ । स्रोतका अनुसार अहिले खुमलटारमा प्रचण्डले कर्णाली प्रदेशका मुख्यमन्त्री, विवाद मिलाउन नेताहरूसँग ब्रिफिङ लिइरहेका छन् ।
प्रचण्डले “अहिले सबै नेतासँग एकएक गरेर घटनाबारे बुझिरहनुभएको एक नेताले जानकारी गराए । ब्रिफिङमा माधवकुमार नेपाल पनि उपस्थित छन् ।
त्यस्तै भेलामा प्रचण्ड पक्षका रामबहादुर थापासहित प्रभावशाली नेताहरू उपस्थित भएका थिए । ओली पक्ष आफ्नो अडानबाट पछि नहटेकाले थप रणनीति बनाउन प्रचण्डनेपाल पक्ष खुमलटार भेलामा जुटेको स्रोतले जनाएको छ ।
यस अघि सक्तारुढ नेकपाको दुई अध्यक्षले आजै कर्णाली प्रदेशका पदाधिकारीहरूलाई छलफलमा बोलाएका छन् । ओलीसमेतको उपस्थितिमा छलफल हुनुपूर्व नै हो तर ओली नआएको एक नेताले जानकारी गराए ।
कर्णाली प्रदेशका मुख्यमन्त्री महेन्द्रबहादुर शाही स्वेच्छाचारी भएको आरोप लगाउँदै १८ जना सांसद विद्रोहमा िथए। हस्ताक्षर गर्ने तीनजना पूर्वमाओवादी केन्द्रका सदस्यहरू समेत छन् । आज प्रचण्डले उनिहरु सग पनि स्पष्टिकरण माग्ने एक नेताले बताए ।
