News Portal

  • राष्ट्र संघको मानव अधिकार परिषदको सदस्यमा नेपाल फेरि निर्वाचित, नेपालको पक्षमा १५० भोट

    डबली संवाददाता२०७७ असोज २८ गते
    १९३ पटक

    काठमाडौं । संयुक्त राष्ट्र संघको मानव अधिकार परिषदको सदस्यमा नेपाल फेरि निर्वाचित भएको छ । मंगलबार राति राष्ट्रसंघ मुख्यालयमा भएको मतदानमा नेपाल एशिया क्षेत्रबाट अर्को कार्यकालका लागि फेरि निर्वाचित भएको हो ।

    परराष्ट्र मन्त्री प्रदिप ज्ञवालीले जानकारी दिएको जानकारीअनुसार गएराति भएको मतदानमा नेपालले १५० भोट प्राप्त गर्‍यो । नेपाल अब सन् २०२३ सम्म नेपाल यसको सदस्य रहनेछ ।

    यसअघि सन् २०१८ देखि मानव अधिकार परिषदको सदस्य रहँदै आएको नेपाललाई अरु दुई वर्ष सोही भूमिकामा रहेर काम गर्ने मौका मिलेको हो । मन्त्री ज्ञवालीले नेपाललाई सहयोग गर्ने सबै मुलुकप्रति आभार पनि व्यक्त गरेका छन् ।

    एशियाबाट नेपालसहित चीन, पाकिस्तान र उजबेकिस्तान निर्वाचित भएका छन् । परिषदमा कुनै एक देश दुई पटकसम्म निर्वाचित हुने व्यवस्था छ ।

    प्रतिकृया दिनुहोस्