काठमाडौं । नेपालमा थप २ हजार बढीमा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौं उपत्यकामा १ हजार ४ सय ९ जनासहित नयाँ संक्रमति थपिएका हुन् ।
मन्त्रालयका प्रवक्ता डा.जागेश्वर गौतमले नियमित प्रेस ब्रिफिङमा काठमाडौं १११६, भक्तपुर १३० ललितपुर १६३ गरी उपत्यकामा १ हजार ४ सय ९ जना नयाँ संक्रमति फेला परेका हुन् । योसँगै शुक्रबार मुलुकभर सक्रिय संक्रमितको संख्या २७ हजार ५३ पुगेको छ ।
शुक्रबार एकैदिन २ हजार ५९ जनामा कोरोनाभाइरस संक्रमण पुष्टि भएसँगै संक्रमितको संख्या एक लाख नाघेको छ । मन्त्रालयका प्रवक्ता गौतमले संक्रमितको संख्या १ लाख ६७६ पुगेको छ । जसमा सक्रिय संक्रमित २७ हजार ५३ पुगेका छन् । उनीहरुमध्ये आइसोलेशनमा ११ हजार १७६ जना र होम आइसोलेशनमा १५ हजार ८७७ जना रहेका छन् ।
शुक्रबार थप १ हजार ६ सय ८० जना कोरोना निको भएर घर फर्किएका छन् । योसँगै नेपालमा कोरोना ७३ हजार २३ पुगेको छ ।
त्यसैगरी कोरोना संक्रमणबाट आज थप १० जनाको ज्यान गएको छ । योसँगै नेपालमा कोरोनाका कारण ज्यान गुमाउनेको संख्या ६ सय पुगेको छ ।
