News Portal

  • कोरोना संक्रमणबाट रुपन्देहीमा एक जनप्रतिनिधिको ज्यान गयो

    डबली संवाददाता२०७७ असोज २२
    १५८ पटक

    बुटवल । कोरोना भाइरस संक्रमणबाट रुपन्देहीमा एक जनप्रतिनिधिको ज्यान गएको छ । जिल्लाको सिद्धार्थनगर नगरपालिका वडा नं. ५ का वडा सदस्य सुवोध तुलाचनको उपचार भैरहवास्थित युनिभर्सल मेडिकल कलेजमा निधन भएको हो ।

    इन्जिनियरसमेत रहेका तुलाचनको बुधबार राति निधन भएको अस्पतालले जनाएको छ । उनी नेपाली काँग्रेसबाट गत स्थानीय चुनावमा निर्वाचित भएका थिए ।

    वडा अध्यक्ष चेत बहादुर क्षेत्रीका अनुसार असोज १३ गते कोरोना संक्रमण पुष्टि भएको थियो । असोज १४ गते श्वासप्रश्वासमा समस्या भएपछि अस्पताल लगिएको थियो ।

    अस्पताल पुर्याउँदा शरीरमा अक्सिजनको मात्रा एकदमै कम भएकोले रेमिडिसिभर औषधि दिएर भोलिपल्टै भेन्टिलेटरमा राखेर उपचार सुरु गरिएको थियो । उनको स्वास्थ्यमा सुधार हुन सकेन । तुलाचनको निधनको शोकमा आज वडा कार्यालयको सेवा बन्द गरिएको छ ।

    प्रतिकृया दिनुहोस्