आज :

नेपालमा ६८ हजारले कोरोना जितेर घर फर्किए, मंगलबार २ हजार ३४० जना डिस्चार्ज

काठमाडौं । नेपालमा कोरोना भाइरसलाई जितेर घर फर्किनेको संख्या ६८ हजार नजिक पुगेको छ । मंगलबार २ हजार ३४० जना डिस्चार्ज भएसँगै निको हुनेको संख्या ६७ हजार ५४२ पुगेको स्वास्थ्य तथा जनसंख्या मन्त्रालयले जनाकारी दिएको थियो ।

सोमबार साँझ र बुधबार विहानसम्म विभिन्न प्रयोगशाला गरिएको परीक्षणमा थप व्यक्तले कोरोना जितेका हुन् । केही दिन निको हुनेको संख्या घटेसँगै आम मानिसहरु चिन्तित बनेका थिए तर मंगलबारको विवरणले खुशीको तरंग फैलाएको छ ।

त्यसैगरी नेपालमा कोरोना संक्रमितको संख्या ९१ हजार नजिक पुगेको छ । मन्त्रालयका प्रवक्ता डा. जागेश्वर गौतमले मंगलबार संक्रमितको संख्या ९० हजार ८१४ पुगेको जानकारी दिएका थिए । मंगलबार थप १ हजार ५५१ जना संक्रमित भएसँगै यो संख्या पुगेको हो ।

त्यसैगरी मंगलबार देशभर २२ हजार ७०९ सक्रिय संक्रमित पुगेका छन् । जसमा संस्थागत आइसोलेसनमा ९ हजार ११८ र होम आइसोलेसनमा १३ हजार ५९१ जना रहेका छन्।

कोरोना संक्रमणबाट नेपालमा ज्यान गुमाउनेको संख्या ५६३ पुगेको छ । मंगलबार ९ जनाको ज्यान गएको थियो । त्यसमा बुधाबर थप दुई जनाको ज्यान गएको छ । मंगलबार ११ हजार ४७ जनाको पीसीआर परीक्षण गरिएको गौतमले जानकारी दिए ।

देशभर सबैभन्दा धेरै संक्रमित काठमाडौंमा भेटिएका छन् । मंगलबार पनि काठमाडौं उपत्यकाका मात्रै १०१७ जनामा कोरोना संक्रमण भएको पुष्टि भएको थियो । जबकी देशभर १५ सय ५१ संक्रमित भेटिएका थिए ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal