News Portal

  • देशभर थप २ हजार २५३ जनामा कोरोना संक्रमण पुष्टि, उपत्यकामा मात्रै १५ सय ९९

    डबली संवाददाता२०७७ असोज १८ गते
    १७१ पटक

    काठमाडौं । नेपालमा कोरोना भाइरस संक्रमितको संख्या ८६ हजार ८२३ जना पुगेको छ । आइतबार थप २ हजार २५३ जनामा संक्रमण पुष्टि भएसँगै यो संख्या पुगेको हो ।

    स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १२ हजा ७८४ नमुना परीक्षण गर्दा उनीहरुमा संक्रमण पुष्टि भएको हो । उनीहरुमध्ये १५९९ जना काठमाडौं उपत्यकाका छन् । काठमाडौंका १३७३ जना, ललितपुरका १८७ र भक्तपुरका ३९ जनामा संक्रमण पुष्टि भएको छ ।

    त्यसैगरी कोरोना संक्रमणबाट थप ७ जनाको ज्यान गएको स्वास्थ्य तथा जनसंख्या मन्त्रालयले जनाएको छ । यससँगै कोरोनाबाट मृत्यु हुनेको संख्या ५३५ पुगेको छ। त्यस्तै देशभर सक्रिय संक्रमितको संख्या २२ हजार २१९ पुगेको छ ।

    मन्त्रालयका प्रवक्ता डा. जागेश्वर गौतमले थप १ हजार ३२९ जनाले कोरोना जितेर घर फर्किएको जानकारी दिए । योसँगै कोरोना जित्नेको संख्या ६४ हजार ६९ पुगेको छ।

    प्रतिकृया दिनुहोस्