News Portal

  • दशैं–तिहारमाा घर जानलाई अनलाईन टिकट बुकिङ व्यवस्था गर्न निर्देशन

    डबली संवाददाता२०७७ असोज १७ गते
    ३८८ पटक

    काठमाडौँ । विश्वब्यापी कोरोना माहामारीको समयमा दशैं–तिहार जस्ता चाडपर्वमा गांउघर जानलाई अनलाईन टिकट बुकिङ व्यवस्थागर्न संसदीय समितिले सरकारलाई निर्देशन दिएको छ । शुक्रबार संसदको विकास तथा प्रविधि समितिले भौतिक पूर्वाधार तथा यातायात व्यवस्था मन्त्रालयसँगको भर्चुअल छलफलमा यस्तो निर्देशन दिएको हो ।

    भर्चुअल छलफलमा समितिका सभापति कल्याणी खड्का लगायत समितिका सदस्यहरुका साथै भौतिक पूर्वाधार तथा यातायात एवं शहरी विकासमन्त्री वसन्त कुमार नेम्बाङ, मन्त्रालयका सचिव देवेन्द्र कार्की तथा ट्राफिक प्रहरी महाशाखाका प्रतिनिधि र विज्ञ समेतको सहभागिता रहेको थियो ।

    भर्चुअल छलफलले दशैं तिहार लगायत ठूला चाडवाडमा यात्रुलाई सहज रुपमा आवागमन गर्ने व्यवस्था मिलाउन अनुरोध गरेको छ ।
    त्यसैगरी बाढी पहिरोका कारण बन्द भएको सडक यातायातलाई सुचारु गर्ने, यात्रा गर्दा तथा खाना खाँदा तोकिएको स्वास्थ्य मापदण्ड पालना गराउने, सहज रुपमा टिकट काट्ने व्यवस्था गर्ने गर्ने समितीले भनेको छ ।

    त्यस्तै, बाढी पहिरोका कारण जोखिमयुक्त वस्तीका वासिन्दालाई तत्कालै सुरक्षित स्थानमा स्थानान्तरण गर्न गृह मन्त्रालयलाई समेत निर्देशन दिएको छ ।

    त्यस्तै केही समय अघिमात्रै भएको अविरल बर्षाका कारण आएको बाढीपहिरो र यसले पुर्याएको क्षतिका कारण सार्वजनिक सवारी साधनको आवागमनमा असर पर्नसक्ने अवस्था रहेका कारण त्यसलाई सहज बनाउन र सार्वजनिक यात्राका क्रममा हुनसक्ने कोभिड संक्रमणको जोखिमलाई न्यूनीकरण गर्ने सम्बन्धमा आवश्यक निर्देशन दिइएको समितिले जनाएको छ ।

     

    प्रतिकृया दिनुहोस्