News Portal

  • पहिलो पटक नेपालीले लगाए रुसी कोरोना खोप, कस्तो छ स्वास्थ्य अवस्था ?

    डबली संवाददाता२०७७ असोज ४ गते
    ५१३ पटक

    काठमाडौं । नेपाली पहिलो पटक कोरोनाविरुद्धको खोप लगाएका छन् । रुसले बनाएको खोप पहिलो पटक लगाउने नेपाली हुन् डा. महेश श्रेष्ठ । उनी रुसमै छन् ।

    पुर्खौली घर सल्यान भएका डा. श्रेष्ठ लामो समयदेखि रुसको राजधानी मस्कोमा कार्यरत छन् । रुसले बनाएको कोरोना भाइरस (कोभिड १९) बिरुद्धको भ्याक्सिन लगाउने डा. पहिलो नेपाली हुन् ।

    रसियन सरकारद्वारा अनलाइनमा लक्की ड्र मार्फत ६१ वर्षीय डा.श्रेष्ठले शनिबार कोराना भाइरसबिरुद्धको खोप लिएका हुन् । गैरआवासीय नेपाली संघ (एनआरएनए) का उपाध्यक्ष डा.बद्री केसीले लक्की ड्र मार्फत् श्रेष्ठले खोप लगाउने अबसर पाएको सामाजिक सञ्जालमार्फत जानकारी दिएका छन् ।

    केसीका अनुसार श्रेष्ठलाई भ्याक्सिन दिनुभन्दा पहिला सम्पूर्ण स्वास्थ्य परीक्षण गरिएको थियो । रसियामा निर्मित उक्त भ्याक्सिन नेपालमा ल्याउने प्रयास पनि भइरहेकै बेला श्रेष्ठले रुसमै खोप लगाउन पाएका छन् ।

    खोपको अन्तिम परीक्षणको क्रममा ३० हजार जनामध्येबाट छानिएका थिए । अहिले उनको स्वास्थ्य अवस्थामा सामान्य रहेको बताइको छ ।

    नेपालका लागि रसियन राजदूत एलेक्सी नोभिकभले रुसले विकास गरेको उक्त भ्याक्सिन नेपाललाई दिन तयार रहेको बताउँदै आएका छन् ।

    प्रतिकृया दिनुहोस्