News Portal

  • नेपालमा पहिलो पटक एकैदिन २ हजार बढीमा कोरोना संक्रमण, ज्यान गुमाउनेको संख्या ३९० पुग्यो

    डबली संवाददाता२०७७ असोज २ गते
    २६० पटक

    काठमाडौँ । नेपालमा कोरोनाभाइरस संक्रमण बढिरहेको छ । स्वास्थ्य तथा जनसंख्या मन्त्रालयका अनुसार शुक्रबार थप २ हजार २० जनामा कोरोना संक्रमण पुष्टि भएको छ ।

    मन्त्रालयका प्रवक्ता डा. जागेश्वार गौतमले देशभर २४ घण्टामा ११ हजार ४५८ जनाको पीसीआर परीक्षण गर्दा हालसम्मकै धेरै जनामा संक्रमण पुष्टि भएको छ । योसँगै नेपालमा कुल संक्रमितको संख्या ६१ हजार ५ सय ९३ पुगेको छ । जसमध्ये ४३ हजार ८२० जनाले कोरोना जितेर घर फर्किएका छन् भने १७३ आईसीयूमा उपचाररत छन् भने ३६ जना भेन्टिलेटरमा रहेका छन् ।

    यसैगरी शुक्रबार थप ७ जनाको ज्यान गएको छ । अब नेपालमा कोरोनाबाट ज्यान गुमाउनेको संख्या ३९० पुगेको छ ।

    पछिल्लो २४ घण्टामा ८७१ जना कोरोना संक्रमणमुक्त भएका छन् । नेपालमा संक्रमणमुक्त हुनेको दर ७१.१ प्रतिशत रहेको छ । आज देशभर सक्रिय संक्रमितको संख्या १७ हजार ३८३ रहेको छ । जसमा संस्थागत आइसोलेशनमा ९ हजार २९५ र होम आइसोलेशनमा ८ हजार ०८८ जना रहेका छन् ।

    प्रतिकृया दिनुहोस्