News Portal

  • शनिबार अहिलेसम्मकै धेरै १५६६ जनाले कोरोना जितेर घर फर्किए, २८० जनाको ज्यान गयो

    डबली संवाददाता२०७७ भदौ २० गते
    २७० पटक

    काठमाडौँ । नेपालमा कोरोना जितेर घर फर्किने बढ्दै गएका छन् । पछिल्लो हप्तामा निको हुनेको संख्या बढिरहेको छ । स्वास्थ्य तथा जनसंख्या मन्त्रालयका अनुसार शनिबार देशभर थप १ हजार ५६६ जनाले कोरोना जितेर घर फर्किएका छन् ।

    देशका विभन्न अस्पताल तथा आइसोलेशन सेन्टरमा रहेका उनीहरु कोरोनामुक्त भएपछि डिस्चार्ज भएका हुन् । योसँगै नेपालमा कोरोना जितेर घर फर्किनेको संख्या २७ हजार १२७ पुगेको छ ।

    त्यसैगरी शनिबार थप ९ जनाको कोरोनाका कारण ज्यान गएको पुष्टि भएको छ । योसँगै नेपालमा कोरोनाबाट ज्यान गुमाउनेको संख्या २८० पुगेको छ ।

    नेपालमा कोरोना भाइरस संक्रमणबाट थप १ हजार जनाभन्दा बढी संक्रमित भएका छन् । स्वास्थ्य तथा जनसंख्या मन्त्रालयका अनुसार शनिबार उपत्यका ४०८ सहित देशभर थप १ हजार ४१ कनामा कोरोना संक्रमण पुष्टि भएको हो ।

    मन्त्रालयका प्रवक्ता डा. जागेश्वर गौतमले नियमित प्रेस ब्रिफिङमा बोल्दै नेपालमा कुल संक्रमितको संख्या ४५ हजार २७७ पुगेको जानकारी दिए ।

    शनिबार काठमाडौं उपत्यकामा थप ४०८ जनामा कोरोनाभाइरस संक्रमण पुष्टि भएको छ। प्रवक्ता गौतमका अनुसार काठमाडौंमा ३२६, ललितपुरमा ३७ र भक्तपुर ४५ गरी ४०८ जनामा संक्रमण पुष्टि भएको छ।

    त्यसैगरी शनिबार थप ९ जनाको ज्यान गएको जानकारी पनि गौतमले दिए । योसँगै नेपालमा कोरोनाबाट ज्यान गुमाउनेको संख्या २८० पुगेको छ ।

    आज देशभर १ हजार ५ सय ६६ जनाले कोरोना जितेर घर फर्केका छन् । योसँगै नेपालमा कोरोना जित्नेको संख्या २७ हजार १२७ पुगेको छ ।
    नेपालमा कोरोना जित्नेको संख्या २६ हजार नजिक, शनिबार विहानै थप दुई जनाको ज्यान गयो ।

    यसैबीच कोरोना भाइरस संक्रमणबाट मोरङमा एकैदिन चारजनाको ज्यान गएको छ । शनिबार विराटनगरका दुुई महिला र धनपालथान र बुढीगँगा गाउँपालिकामा एक-एक जना पुरुषको ज्यान गएको पुष्टि भएको हो ।

    प्रदेश १ सामाजिक विकास मन्त्रालयका अनुसार कोशी अस्पतालको आइसोलेसनमा निधन भएकी विराटनगर-४ की ६४ वर्षीया महिलामा कोरोना संक्रमण पुष्टि भएको छ । यस्तै विराटनगर-११ की ४३ वर्षीया महिलाको बीपी कोइराला स्वास्थ्य विज्ञान प्रतिष्ठान, धरानमा निधन भएको छ ।

    मोरङको धनपालथान गाउँपालिका- ३ का ५५ वर्षीय पुरुषको कोशी अस्पताल, कोभिड १९ उपचार केन्द्रमा मृत्यु भएको छ । शुक्रबार बेलुका केन्द्रमा भर्ना गरिएको उनको शनिबार दिउँसो करिब १ बजे निधन भएको छ । यस्तै बुढीगंगा गाउँपालिका-५ का ४५ वर्षीय पुरुषको विराट मेडिकल कलेजमा निधन भएको छ । यससँगै प्रदेश १ मा मृतकको संख्या २७ पुगेको छ ।

    • फाइल फोटो

     

    प्रतिकृया दिनुहोस्