काठमान्डौं । बागलुङमा पहिरोमा परि ज्यान गुमाउनेको अहिले सम्म ११ जनााको मात्र शव भेटिएको छ । प्रहरीकाले दिएको जानकारी अनुसार अहिलेसम्म ७ जना पुरुष र ४ जना महिलाको शव भेटिएको हाे । बाढीमा परी ३६ जना बेपत्ता भएको छन् । २ महिलाको शव भने छिमेकी जिल्ला गुल्मिको मुसीकोटमा भेटिएको बुर्तिबाङ्गका प्रमुख प्रहरी निरीक्षक प्रकाश सिंह भण्डारीले जानकारी दिए ।
त्यहा बाढीले क्षति गरेको क्षेत्र धेरै भएकाले हाल सम्म जनधन र भौतिक क्षति कति भएको छ एकिन भईसकेको छैन् । बाढीले एक स्वास्थ्य चौकी, एक विद्यालय, एउटा झोलुङ्गे पुल पनि बगाएको छ ।
बाढीले त्यहाँको सडक र दर्जनौ सवारी साधन पनि बगाएको स्थानियले बताएको छन् । अहिले घटनास्थलमा नेपाली सेना, नेपाल प्रहरी र सशस्त्र प्रहरी परिचालन गरिएको छ ।
अझै त्यहाँ धेरै जना बेपत्ता रहेको घटनास्थलबाट प्रहरी इन्सपेक्टर प्रकाशसिंह भण्डारीले जानकारी दिएको छन्। घटनास्थलमा फेला परेका शव कसैको पनि पहिचान हुन सकेको छैन ।
त्यहाँ अरिवरल वर्षासँगै गएराति १२ बजेको समयमा बाढी आएको हो । ढोरपाटन नगरपालिकाको दुवालदेखि घट्टेचौर, सुप्राङ्ग, भुसान्दे, दुनेपडेरा, सुकेलदुम, लाकुरेबोट, मङ्गलाटोलसहित खोला किनारका सबै बस्तीमा बाढी आएको हो ।
ढोरपाटन नगरपालिकाको वडा नं ८ र ९ बोबाङका ठाउँठाउँमा खसेको पहिरोका कारण धेरै जना सम्पर्क विहिन भएका छन् । पहिरोमा केहीको अझै परिचय खुलेको छ । जिल्लाको ढोरपाटन नगरपालिकाको सुकुर्दुङ खोलाको बाढीले बोबाङ, सुर्कुदुङ र शेरावाङ गाउँका घर बगाएको हो
