News Portal

  • काठमाडौं उपत्यकामा कोरोना भुसको आगोझैं फैलिँदैः बुधबार विहानै थप दुई जनाको ज्यान गयो

    डबली संवाददाता२०७७ साउन २८ गते
    १७७ पटक

    काठमाडौँ । काठमाडौँ उपत्यकामा थप दुई जनाको कोरोना भाइरस संक्रमणका कारण ज्यान गएको छ । ललितपुरको पाटन अस्पताल र किष्ट अस्पतामा उनीहरुको उपचारको क्रममा ज्यान गएको हो ।

    पाटन अस्पताल भर्ना भएकी जनकपुरकी २८ वर्षीया महिलाको निधन भएको स्वास्थ्य कार्यालय ललितपुरले जनाएको छ । उनलाई साउन १८ गते अस्पताल भर्ना गरिएको थियो । कोरोना संक्रमण भएर उपचाररत उनको ज्यान गएको स्वास्थ्य कार्यालयले बुधबार विहान पुष्टि गरेको हो ।
    त्यसैगरी ललितपुरको ग्वार्कोस्थित किस्ट मेडिकल कलेजमा मृत्यु भएकी एकजना महिलाको पनि कोरोनाका कारण निधन भएको पुष्टि भएको छ । उनको निधनपछि रिपोर्ट आएको हो ।

    अस्पतालका चिफ अपरेटिङ अफिसर अमिस पाठकका अनुसार काठमाडौं टेकुकी ७८ वर्षीया महिलाको मंगलबार राति सवा १ बजे निधन भएको थियो । उनको पीसीआर रिपोर्ट बुधबार विहान मात्रै आएको हो ।

    ज्वरो, पखाला र वान्ता हुन थालेपछि उनलाई साउन २६ गते पाटन अस्पतालले किस्टमा रिफर गरेको थियो । अस्पतालले उपचार गर्न नमान्दा उनलाई समस्या थपिएको बताइएको छ ।

    काठमाडौँ उपत्यकामा कोरोना संक्रमण समुदायसम्म पुगेको भन्दै कडाई गरिएपनि संक्रमण झनझन फैलिरहेको छ ।

    मंगलबार काठमाडौं उपत्यकामा १३६ जनामा कोरोना संक्रमण पुष्टि भएको थियो । काठमाडौंका ११० जना, भक्तपुरका ८ र ललितपुरका १६ जनामा संक्रमण स्वास्थ्य तथा जनसंख्या मन्त्रालयले ज‍ानकारी दिएको थियो । मंगलबारसम्म काठमाडौं उपत्यकामा कोरोना संक्रमितको संख्या १ हजार ३१३ पुगेको थियो ।
    कोरोना बढेसँगै उपत्यकामा सार्वजनिक यातायात सञ्चालनमा पुन रोक लगाउनुका साथै भिडभाड हुनेगरी जात्रा नमनाउन पनि सरकारले आग्रह गरेको छ ।

    मंगलबासम्म नेपालमा संक्रमितको संख्या २३ हजार ९४८ पुगेको छ भने संक्रमितमध्ये १६ हजार ६६४ जना डिस्चार्ज भएका छन् । ७ हजार २०१ जना सक्रिय संक्रमितको विभिन्न अस्पतालको आइसोलेसनमा उपचार भइरहेको छ । पछिल्लो २४ घण्टामा मात्रै १७१ जना संक्रमित डिस्चार्ज भएका थिए ।

    प्रतिकृया दिनुहोस्