धनगढी । कोरोना भाइरसबाट बच्न गाउँ फर्केकाहरु सवार बस डोटीमा दुर्घटना हुँदा तीन जनाको ज्यान गएको छ । कैलालीको धनगढीबाट अछाम जाँदै गरेको बस डोटीको पूर्वीचौकी गाउँपालिकामा बस दुर्घटना भएको हो । ना ६ ख २५२९ नम्बरको बस पुर्वीचौकी-१ फुलौटमा दुर्घटनामा भएको दुर्घटनामा परी अन्य २९ जना घाइते भएका छन् ।
डोटी प्रहरीका अनुसार तीन जनाको घटनास्थलमै निधन भएको थियो भने घाइतेको नेपाली सेना, नेपाल प्रहरी तथा सशस्त्र प्रहरीको टोली र स्थानीयले उद्दार गरिरहेका छन् । बस सडकबाट चिप्लिएर ३० मिटर तल खसेको बताइएको छ ।
मृतकको सनाखत हुन सकेको छैन । घाइतेमध्ये ७ जनाको अवस्था चिन्ताजनक रहेको प्रहरीले बताएको छ । बसमा ३२ जना यात्रु बसमा सवार रहेको प्रहरीले बताएको छ ।
